पोलीस अधिकाऱ्याच्या कार धडकेत विद्यार्थिनीचा मृत्यू;पालकांना २६२ कोटींची भरपाई

 एज्युवार्ता न्यूज नेटवर्क 

अमेरिकेतील सिएटल शहरात (City of Seattle, USA) एका पोलीस अधिकाऱ्याच्या कार धडकेत एका २३ वर्षीय भारतीय विद्यार्थिनीचा जागीच मृत्यू (Student dies after being hit by police officer's car) झाला होता. ही घटना २३ जानेवारी २०२३ रोजी घडली होती. त्यानंतर आता म्हणजे दोन वर्षाने सिएटल शहर प्रशासनाला आपली चुक लक्षात आल्यानंतर स्थानिक प्रशासनाने मृत विद्यार्थिनीच्या पालकांना (२९ दशलक्ष डाॅलर्स) भारतीय चलनानुसार २६२ कोटी रुपये नुकसान भरपाई (Compensation of Rs 262 crore to parents) देण्याची मान्य केले आहे. 

२३ जानेवारी २०२३ रोजी पायी रस्ता ओलांडत असताना पोलीस अधिकाऱ्याच्या  एका भरधाव कारने या विद्यार्थिनीला चिरडल्याची घटना घडली. कार अपघातमध्ये मृत्यू झालेल्या भारतीय विद्यार्थिनीचे नाव जान्हवी कंडुला असे आहे. तर कार चावणाऱ्या पोलीस अधिकाऱ्याचे नाव केविन डेव्ह असे आहे. 

जान्हवी कंडुलाचा मृत्यू हा हृदय पिळवटणारा होता. शहर प्रशासनाला आशा आहे की, ही आर्थिक तडजोड कंडुला कुटुंबाला दुःखातून बाहेर पडण्यासाठी मदतीची ठरेल," असे सिटी अॅटर्नी एरिका एव्हान्स यांनी प्रसिद्ध केलेल्या एका निवेदनात म्हणाल्या. "जान्हवी कंडुलाइचा जीव सर्वांसाठी महत्त्वाचा होता. तो तिचे कुटुंब, तिचे मित्र आणि आमच्या समुदायासाठी देखील तो महत्त्वाचा होता," 

जान्हवीच्या मृत्यूनंतर सर्व स्तरातून प्रचंड संताप व्यक्त करण्यात आला होता तसेच जागोजागी निदर्शने देखील करण्यात आली. या प्रकरणात दुसऱ्या एका पोलिसांच्या बॉडी कॅमेऱ्यामध्ये रेकॉर्ड झालेला व्हिडीओ समोर आला होता. या व्हिडीओमध्ये संबंधित अधिकारी अपघातानंतर हसताना आणि विद्यार्थिनीच्या जीवाची फार किंमत नसल्यासंबंधी बोलताना दिसून आला होता. यानंतर नागरिकांच्या संतापाचा आणखीच भडका उडाला होता. तसेच भारतीय राजनैतिक अधिकाऱ्यांनी या घटनेच्या चौकशीची मागणी केली.