अमराठी शिक्षकाकडून मराठी अवमान, विद्यार्थ्यांची तक्रार अन् कोचिंग क्लासमध्ये घुसून दिला चोप.. 

एज्युवार्ता न्यूज नेटवर्क

राज्यात पुन्हा एकदा मराठी-अमराठी वाद पेटण्याची शक्यता वर्तवण्यात येत आहे. नाशिकमध्ये एका खाजगी क्लासमधील (Private coaching class) परप्रांतीय शिक्षकाने या वादाला फोडणी दिली आहे. क्लासमध्ये मराठी भाषेत बोलणाऱ्या विद्यार्थ्यांना एका शिक्षकाने "गावठी आणि मॅनर्सलेस" (Rustic and mannerless) असे संबोधल्याची तक्रार विद्यार्थ्यांनी महाराष्ट्र नवनिर्माण विद्यार्थी सेनेच्या (Maharashtra Navnirman Students Sena) पदाधिकऱ्यांकडे धाव घेत तक्रार नोंदवली केली. त्यानंतर विद्यार्थी संघटनेच्या पदाधिकाऱ्यांनी थेट कोचिंग क्लासमध्ये घुसून संबंधित शिक्षकाला चोप (teacher beaten) दिल्याचे समोर आले आहे. नाशिक शहरातील शरणपूर रोड परिसरातील एका खासगी क्लासमध्ये हा प्रकार घडला. या या प्रकारामुळे संतप्त झालेल्या विद्यार्थ्यांनी थेट मनसेच्या कार्यालयात धाव घेत तक्रार नोंदवली. त्यानंतर मनसे कार्यकर्त्यांनी संबंधित क्लासमध्ये जाऊन त्या शिक्षकाला चोप दिला.

सदर खासगी क्लासमध्ये बहुतेक शिक्षक हे परप्रांतीय असून, हिंदी भाषेचा वापर सक्तीने केला जात असल्यामुळे विद्यार्थ्यांना अभ्यासात अडचणी येत होत्या. मात्र, लाख-दोन लाख रुपयांचे शुल्क भरले असल्याने पालकांकडे तक्रार करणे किंवा क्लास सोडणे विद्यार्थ्यांना शक्य नव्हते. त्यामुळे सर्व अडचणी सहन करत विद्यार्थी नियमितपणे क्लासला जात होते. मात्र, एका विद्यार्थ्यांला "गावठी आणि मॅनर्सलेस" म्हणल्याने हा सर्व वाद पुढे आला आहे. 

एकदा विद्यार्थी आपसात मराठी भाषेत बोलत असताना एका शिक्षकाने त्यांना कोणती भाषा बोलत आहात, असा प्रश्न केला. विद्यार्थ्यांनी मराठी असल्याचे सांगताच, शिक्षकाने "इथे हिंदी बोलायची, मराठी भाषा आणि मराठी लोक गावठी व मॅनर्सलेस असतात" असे म्हणत मराठी भाषेचा अपमान केला. या घटनेनंतर विद्यार्थ्यांनी नाशिकमधील मनसेच्या राजगड कार्यालयात जाऊन आपली आपबिती सांगितली. तक्रार मिळताच मनसे कार्यकर्ते थेट क्लासमध्ये पोहोचले आणि संबंधित शिक्षकाला कानशिलात लावत जाब विचारला.