घृणास्पद घटनेने संभाजीनगर हादरले! सहावीच्या विद्यार्थ्यावर ४ वर्गमित्रांनी मिळून शाळेतच केला लैंगिक अत्याचार

एज्युवार्ता न्यूज नेटवर्क

छत्रपती संभाजीनगर जिल्ह्यातील सावंगी येथील एका नामांकित इंग्रजी शाळेत (Sawangi Reputable English School) शिक्षण क्षेत्राला हादरून सोडणारी घटना समोर आली आहे. सहावीत शिकणाऱ्या अवघ्या ११ वर्षांच्या विद्यार्थ्यावर त्याच्याच वर्गातील चार मित्रांनी मिळून लैंगिक अत्याचार (Sexual assault) केला. त्याहून लाजीरवाणी गोष्ट म्हणजे शाळा प्रशासनाने हे प्रकरण दाबण्याचा प्रयत्न (Attempt to suppress the case) केल्याचा गंभीर आरोप पीडित विद्यार्थ्याच्या पालकांनी केला आहे. माध्यमांनी प्रकरणाला वाचा फोडल्यानंतर या प्रकरणी फुलंब्री पोलीस ठाण्यात पोक्सो कायद्यांतर्गत गुन्हा (Crime under POCSO Act)दाखल करण्यात आला आहे.

पीडित मुलाच्या वडिलांनी दिलेल्या फिर्यादीनुसार, शाळेच्या मैदानावर हा घृणास्पद प्रकार घडला आहे. वर्गातील चार विधिसंघर्षग्रस्त मुलांनी पीडित विद्यार्थ्याला आडवून त्याला विवस्त्र करून आल्यावर करण्याचा प्रयत्न केला. मागील अनेक दिवसांपासून हे मुले त्याला अश्लील  इशारे करून मानसिक त्रास देत होती. चौघांच्या भीतीपोटी हा मुलगा प्रचंड घाबरलेला होता. त्यानंतर या पिडित मुलाने रडत-रडत आपल्या वडिलांना घडलेल्या घटनेची सर्व आपबिती सांगितली. 

पिडित विद्यार्थ्याने पालकाला माहिती सांगताच पालकांनी थेट शाळा प्रशासनाचे दार ठोठावले. मात्र, शाळा प्रशासनाने पिडित विद्यार्थी आणि पालकांना सहकार्य करण्याऐवजी हे प्रकरण दाबून ठेवत पालकांवर दबाव आणल्या आरोप पिडित विद्यार्थ्याच्या पालकांनी केला आहे. पिडित मुलगा काही दिवसांपासून रडत होता, शाळेत जाण्यास घाबरत होता. शाळेत गेलो तर शाळा प्रशासनाने उडवाउजवीची उत्तरे दिली, असे पिडित मुलाच्या वडिलांनी प्रसारमाध्यमांशी बोलताना सांगितले. 

या घृणास्पद घटनेला माध्यमांनी वाचा फोडली. त्यानंतर शिक्षण विभागाने त्याची गांभिर्याने दाखल घेत तीन सदस्यांची चौकशी समिती नेमली आहे. राज्याचे शिक्षण मंत्री दाता भुसे यांनीही या प्रकरणाची राखोल माहिती घेऊन दोषींवर कडक कारवाई करण्याचे आश्वासन दिले.