थायलंडमध्ये शाळेत अंदाधुंद गोळीबार २ विद्यार्थ्यांचा मृत्यू, अनेक विद्यार्थी आणि शिक्षकांना ओलीस

एज्युवार्ता न्यूज नेटवर्क

थायलंडच्या दक्षिणेकडील सोंगखला प्रांतातील काही बंदूकधाऱ्यांनी एका शाळेत अंदाधुंद गोळीबार (Indiscriminate shooting at school) केला. या गोळीबारात दोन विद्यार्थ्यांचा मृत्यू (Two students died) झाला असून अनेक विद्यार्थी आणि शिक्षकांना ओलीस (Students and teachers held hostage) ठेवण्यात आले आहे. स्थानिक अधिकाऱ्यांनी सोशल मीडियावर याची पुष्टी केली. रॉयटर्सच्या वृत्तानुसार, सोंगखला प्रांतातील एका शाळेत अज्ञात संख्येने विद्यार्थी आणि शिक्षकांना ओलीस ठेवण्यात आले आहे. हाट याई जिल्ह्यातील पाटोंग उपजिल्हा येथील पाटोंग प्रथान खिरिविट शाळेत (Patong Prathan Khiriwit School) ही घटना घडली.

मिळालेल्या माहितीनुसार, बंदूकधारी शाळेत घुसले आणि गोळीबार केला, ज्यामध्ये एका शिक्षकाला रुग्णालयात नेण्यात आले. काही अहवालांनुसार विद्यार्थ्यांसह अनेक शिक्षक व कर्मचारी जखमी झाले आहेत. परंतु जखमींची नेमकी संख्या अद्याप स्पष्ट झालेली नाही. अनेक विद्यार्थी आणि शिक्षक अजूनही शाळेत अडकले आहेत. परंतू भीतीपोटी ते बाहेर पडू शकत नाहीत. थुंग लुंग पोलिस स्टेशनने शाळेला वेढा घातला आहे. विशेष ऑपरेशन युनिट्स आणि बचाव पथके घटनास्थळी पोहोचली आहेत आणि परिस्थिती नियंत्रित करण्याचा प्रयत्न करत आहेत. 

विद्यार्थी घरी परतत असताना शाळेच्या मधल्या ब्रेकवेळी ही घटना घडली आहे. माई ताप्टिम याला फाउंडेशनने प्रथम फेसबुकवर या घटनेची माहिती दिली. स्थानिक अधिकारी आणि पोलिस परिस्थितीवर लक्ष ठेवून आहेत. अद्याप कोणत्याही मृत्यूची नोंद झालेली नाही, परंतु जखमींची संख्या वाढू शकते. बचाव कार्य सुरू आहे आणि येत्या काही तासांत अधिक अपडेट्स अपेक्षित आहेत. थायलंड सरकार आणि पोलिसांनी जनतेला शांत राहण्याचे आणि अफवांवर विश्वास ठेवू नये असे आवाहन केले आहे. पोलिसांनी शाळेभोवतीचा परिसर सील केला आहे.