विद्यार्थिनीवर लैंगिक अत्याचार आणि गर्भपात, माजी मंत्र्याच्या पुतण्यावर गुन्हा

एज्युवार्ता न्यूज नेटवर्क
 
माजी गृहराज्यमंत्री  सतेज पाटील यांचे पुतणे पृथ्वीराज पाटील (Prithviraj Patil) यांच्या विरोधात एका वैद्यकीय शिक्षण घेणाऱ्या तरुणीने लैंगिक अत्याचार केल्याचा आरोप करत ठाणे जिल्ह्यातील (Thane Crime News) कापूरबावडी पोलिस स्टेशनमध्ये (Kapurbawdi Police Station) गुन्हा दाखल केला आहे. याबाबत अधिकची माहिती मिळवण्यासाठी पोलिसांशी संपर्क केला असता स्थानिक पोलिसांकडून (Local police under pressure) माहिती मिळाली नाही.सदर प्रकरणाची माहिती देण्यास टाळाटाळ करून प्रकरण दाबण्याचा प्रयत्न पोलिसांकडून केला जात असल्याचे बोलले जात आहे. पीडित तरूणी ठाण्यातील असून, त्या तरुणीची ओळख पृथ्वीराज पाटील यांच्यासोबत होती, तिने दिलेल्या तक्रारीनुसार फक्त नावाला गुन्हा दाखल केला आहे.

पृथ्वीराज पाटील आरोपीचे नाव असून डॉ. डी. वाय. पाटील यांचे ते नातू आहेत. कापूरबावडी भागातील महाविद्यालयीन विद्यार्थिनीला लग्नाच्या आमिषाने लैंगिक अत्याचार करून तिला गर्भपात करण्यासही भाग पाडल्याचा आरोप आहे. उच्चभ्रू संकुलात राहणाऱ्या 29 वर्षीय वैद्यकीय शाखेच्या विद्यार्थिनीवर वारंवार अत्याचार झाल्याची माहिती आहे.

ठाणे, नवी मुंबई आणि प्रामुख्याने पाटील यांच्या कोल्हापुरातील बंगल्यावर हे प्रकार घडले असल्याची माहिती आहे. अनेकवेळा तिच्यावर हल्लाही करण्यात आला. धमकावून तिला कोल्हापुरात गर्भपात करण्यास भाग पाडल्याचाही आरोप पीडितेने कापूरबावाडी पोलिस ठाण्यात 7 मार्चला दाखल केलेल्या तक्रारीत केला आहे. पीडित तरुणीने पोलिसांना गर्भपात केल्याचा रुग्णालयाचा अहवाल आणि तिच्यासोबत केलेल्या चॅटिंगचा पुरावाही दिला असल्याची माहिती आहे. घटनेचा पुढील तपास करत आहेत