पुण्यातील शाळा, कॉलेजला बुधवारी पुन्हा सुट्टी; जिल्हाधिकाऱ्यांचे आदेश 

एज्युवार्ता न्यूज नेटवर्क 

पुण्यात सुरू असलेल्या पुणे ग्रँड चॅलेंज टूर 2026 या आंतरराष्ट्रीय सायकलिंग स्पर्धेच्या निमित्ताने बजाज ग्रँड टूर 2026 स्टेज- २ स्पर्धा 21 जानेवारी रोजी होणार आहे. या स्पर्धेमुळे पुणे परिसरातील काही भागांमधील रस्ते पूर्णपणे बंद ठेवले जाणार आहेत.त्यामुळे संबंधित परिसरातील सर्व सरकारी व खाजगी शाळांना 21 जानेवारी रोजी सुट्टी जाहीर करण्यात येत असल्याचे आदेश पुणे जिल्ह्याचे जिल्हाधिकारी जितेंद्र डुडी यांनी काढले आहेत.

19 जानेवारी रोजी पुण्यातील जंगली महाराज रस्ता, फर्ग्युसन रस्ता तसेच गणेश खिंड परिसरातील रस्ते बंद ठेवण्यात आले होते.त्यामुळे या परिसरातील शाळा महाविद्यालयांना सुट्टी जाहीर करण्यात आली होती. सायकल स्पर्धा भाग- 2 येत्या 21 जानेवारी रोजी पुणे कॅन्टोन्मेंट बोर्ड आणि इतर परिसरातून जाणार आहे.

 पुणे ग्रँड चॅलेंज टूर 2026 ही आंतरराष्ट्रीय सायकलिंग स्पर्धा दिनांक 19 जानेवारी 2026 ते 23 जानेवारी 2026 या कालावधीत पुणे जिल्ह्यात होत आहे. पुणे ग्रँड टुर 2026 अनुषंगाने बजाज ग्रँड टुर 2026 स्टेज-2 स्पर्धा येत्या 21 जानेवारी रोजी आयाजित करण्यात आली आहे. ही स्पर्धा  लेडिज क्लब पुणे- इस्ट स्ट्रिट रोडने खाण्या मारुती चौक-पुलगेट- सोलापुर बाजार चौकी- गोळीबार मैदान- लुल्लानगर चौक ज्योती हॉटेल चौक-खडी मशिन चौक-येबलेवाडी-बोपदेव घाट मार्गे जाणार आहे. त्यामुळे सदर रोडच्या परिसरातील सरकारी व खाजगी शाळा मधील विद्यार्थ्यांची होणारी गैरसोय लक्षात घेता पुणे कॅन्टोनमेंट बोर्ड, हद्दीतील सर्व सरकारी व खाजगी शाळा येत्या  21 जानेवारी 2026 रोजी पूर्ण वेळ बंद ठेवणे अत्यंत गरजेचे आहे.त्यामुळे या परफीसरातील शाळांना सुट्टी जाहीर करण्यात आली आहे.