SSC Exam 2025 : यंदा 16 लाखांहून अधिक विद्यार्थी देणार दहावीची परीक्षा!
यंदा दहावीच्या परीक्षेसाठी 16 लाख 11 हजार 610 विद्यार्थी परीक्षा देत असून यात 8 लाख 64 हजर 120 विद्यार्थी मुले आहे तर 7 लाख 47 हजार 471 मुली आहे. याशिवाय 19 ट्रान्सजेंडरही यंदा दहावीची परीक्षा देणार आहे.
eduvarta@gmail.com 
एज्युवार्ता न्यूज नेटवर्क
बारावीनंतर (12th) आता दहावीच्या परीक्षेला (10th exams) उद्या दि. 21 फेब्रुवारीपासून (Maharashtra Board) सुरुवात होणार आहे. यंदा राज्यातील 16 लाख 11 हजार 610 विद्यार्थी (students) परीक्षा देणार असल्याची माहिती महाराष्ट्र राज्य माध्यमिक व उच्च माध्यमिक मंडळाकडून मिळाली आहे. याशिवाय, ज्या विद्यार्थ्यांना काही कारणास्तव तोंडी परीक्षा देता आली नाही त्यांना आऊट ऑफ टर्न (out of turn) या परीक्षेमार्फत त्यांची चुकलेली तोंडी परीक्षा किंवा प्रात्यक्षिक परीक्षा 18 मार्च ते 20 मार्च या कालावधीत देता येणार आहे.
दहावीच्या परीक्षेसाठी विद्यार्थी सज्ज!
यावर्षी 16 लाख 11 हजार 610 विद्यार्थी 10 वी ची परीक्षा देणार असून यामध्ये 8 लाख 64 हजर 120 विद्यार्थी आणि 7 लाख 47 हजार 471 विद्यार्थिनी आहेत. याशिवाय 19 तृतीयपंथी विद्यार्थीही यंदा दहावीची परीक्षा देणार आहेत. मुंबई विभागातून सर्वाधिक 3 लाख 60 हजार 317 विद्यार्थी परीक्षा देणार आहेत. तर त्या खालोखाल पुणे विभागातून 2 लाख 75 हजार 4 विद्यार्थी परीक्षा देणार आहेत. यंदा कोकण विभागातून सर्वात कमी 27 हजार 398 विद्यार्थी या परीक्षेला बसणार आहेत.
कॉपीमुक्त अभियानातर्गत कॉपी करणाऱ्या (copy-free exams) आणि त्यात सहभागी असणाऱ्या विद्यार्थ्यांवर दखलपात्र आणि अजामीनपात्र गुन्हा दाखल करण्यात येणार आहे. विशेष म्हणजे यंदा परीक्षेच्या काळात केंद्राच्या 500 मीटर परिसरामध्ये सगळी झेरॉक्सची दुकानं बंद (Xerox Center Closed) ठेवण्याचे आदेशही मंडळामार्फत देण्यात आले आहे.
