‘सेट’ परीक्षेचे प्रवेशपत्र उपलब्ध; १५ जूनला होणार परीक्षा

एज्युवार्ता न्यूज नेटवर्क 

महाराष्ट्र राज्यस्तरीय पात्रता परीक्षा (सेट) (SET Exam 2025) १५ जून रोजी (15 June Examination) घेण्यात येणार आहे. या परीक्षेसाठी राज्यभरातून जवळपास १ लाख १० हजारांपेक्षा अधिक उमेदवारांनी या परीक्षेसाठी अर्ज नोंदणी केली आहे. या परीक्षेसाठी अर्ज केलेल्या उमेवारांना त्यांच्या ‘लॉग इन’मध्ये प्रवेशपत्र उपलब्ध (Admit card available) करून देण्यात आले आहे. ही परीक्षा ऑफलाईन पद्धतीने घेतली जाणार आहे. 

सावित्रीबाई फुले पुणे विद्यापीठ आयोजित करीत असलेली चाळीसावी (४० वी) सहायक प्राध्यापक पदासाठी राज्यस्तरीय पात्रता परीक्षा (सेट) रविवार, दि. १५ जून, २०२५ रोजी आयोजित करण्यात आली आहे. त्यासाठी मुंबई, पुणे, कोल्हापूर, सोलापूर, अहिल्यानगर, नाशिक, धुळे, जळगांव, छत्रपती संभाजीनगर, नांदेड, अमरावती, नागपूर, चंद्रपूर, गडचिरोली, रत्नागिरी, परभणी, नंदुरबार व पणजी (गोवा) ही परीक्षा केंद्रे देण्यात आली आहेत. 

ज्या उमेदवारांनी SET परीक्षेसाठी अर्ज केला आहे ते अधिकृत वेबसाइट https://setexam.unipune.ac.in वरून त्यांचा लॉगिन आयडी आणि पासवर्ड वापरून प्रवेशपत्र डाउनलोड करु शकतात. तसेच भविष्यातील संदर्भासाठी त्याची प्रिंट काढून ठेवा. उमेदवारांनी एक मूळ फोटो ओळखपत्र आणि त्यांचे SET परीक्षा प्रवेशपत्र परीक्षा केंद्रावर आणणे आवश्यक आहे. अधिकच्या सर्व सूचना विद्यार्थ्यांना त्यांच्या प्रवेशपत्रावर देण्यात आल्या आहेत.