विद्यापीठ 'या' महाविद्यालयांचे प्रथम वर्षाचे प्रवेश करणार बंद ?

एज्युवार्ता न्यूज नेटवर्क 

सावित्रीबाई फुले पुणे विद्यापीठाने (Savitribai Phule Pune University) संलग्न महाविद्यालये व शैक्षणिक संस्थांना (Colleges and Educational Institutions)पत्रक काढून नॅक मूल्यांकनाच्या (NAAC assessment) संदर्भातील माहिती अद्ययावत करण्याच्या सूचना दिल्या आहेत. तसेच नॅक मूल्यांकनाबाबतची माहिती विद्यापीठाच्या संकेतस्थळावर कॉलेज प्रोफाइलमध्ये अद्ययावत न केल्यास संबंधित महाविद्यालये व मान्यताप्राप्त शैक्षणिक संस्थांची 2025-26 या शैक्षणिक वर्षातील सर्व व्यावसायिक व अव्यावसायिक अभ्यासक्रमांच्या प्रथम वर्षाच्या प्रवेशावर निर्बंध (Restrictions on first year admission to professional and non-professional courses)लागू करण्याची कारवाई केली जाणार आहे.

नॅक मूल्यांकन प्रक्रियेत महाराष्ट्र राज्य पहिल्या क्रमांकावर आहे.तसेच राज्याच्या उच्च शिक्षण विभगाने नॅक मूल्यांकन प्रक्रियेत झालेल्या बदलावर जागृती करण्यासाठी उपाययोजना केल्या आहेत.येत्या फेब्रुवारी महिन्यात सावित्रीबाई फुले पुणे विद्यापीठाला नॅक मूल्यांकनाला सामोरे जावे लागणार आहे. त्यामुळे पुणे विद्यापीठाने सुध्दा आपल्या संलग्न संस्थांना नॅकच्या दृष्टीने अपडेट राहण्याच्या सूचना दिल्या आहेत. विद्यापीठाच्या संकेतस्थळावरील कॉलेज प्रोफाईलमध्ये माहिती अद्यायावत (Update) न केल्यास शैक्षणिक वर्ष २०२५-२०२६ करिता संबंधित महाविद्यालये/ मान्यताप्राप्त संस्थांना मंजूर असलेल्या सर्व व्यावसायिक व अव्यावसायिक अभ्यासक्रमांच्या प्रथम वर्ष प्रवेशास निर्बंध लागू करण्याची कारवाई करण्यात येणार आहे, याची सर्व संबंधितांनी गंभीर दखल घ्यावी,असे विद्यापीठाने प्रसिध्द केलेल्या परिपत्रकात नमूद केले आहे. 

शासनाने वेळोवेळी दिलेल्या निर्देशाप्रमाणे व प्राप्त आदेशान्वये विद्यापीठाशी संलग्न महाविद्यालय व मान्यताप्राप्त परिसंस्था यांना कळविण्यात येते की, ज्या महाविद्यालये व मान्यताप्राप्त परिसंस्था यांनी नॅक मूल्यांकन/ पुनर्मूल्यांकन/मानांकनांबाबत पूर्ण केलेली नाही किंवा याबाबत प्रारंभ टप्प्यातील संस्था नोंदणी (HEI Registration) Institutional Information For Quality Assessment (IIQA) नॅक कार्यालयास सादर केलेली नाही अशा किंवा कोणत्या stage ला आहे. याबाबतची माहिती आद्ययात केली नाही, अशा सर्व महाविद्यालये/ मान्यताप्राप्त परिसंस्थांनी दिनांक १५/०१/२०२५ पर्यत विद्यापीठाच्या BOD Login>credential>NAAC/NBA Tab> click करून माहिती अद्यायावत करावी,असेही या पत्रकात नमूद केले आहे.