रेल्वेत बंपर भरती : तब्बल ३२, ४३८ जागांसाठी जाहिरात प्रसिद्ध 

एज्युवार्ता न्यूज नेटवर्क 

रेल्वे भरती बोर्डाद्वारे (RRB) बंपर भरतीची जाहिरात प्रसिद्ध (Recruitment advertisement published) करण्यात आली आहे. या भरतीद्वारे गट ड मधील सहाय्यक पदांच्या एकूण ३२हजार ४३८ रिक्त जागा भरण्यात येणार आहेत. त्यासाठी इच्छुक आणि पात्र असलेल्या उमेदवारांकडून अर्ज मागवण्यात येत आहेत. अर्ज प्रक्रिया ऑनलाईन (Online application process begins) पद्धतीने राबवण्यात येत येणार. त्यासाठी उमेदवार रेल्वे बोर्डाचे अधिक संकेतस्थळ https://indianrailways.gov.in वर जाऊन अर्ज भरू शकतात. 

या भरती मोहिमेअंतर्गत एकूण ३२ हजार ४३८ पदे भरली जाणार आहेत. त्यापैकी RRB मुंबईसाठी ४ हजार ६७२ पदांचा समावेश असणार आहे. यासाठी २३ जानेवारीपासून अर्ज प्रक्रिया सुरू होणार आहे तर अर्जाची अंतिम मुदत २२ फेब्रुवारी असणार आहे. भरती प्रक्रियेत सहभागी होणाऱ्या उमेदवाराने १० वी उत्तीर्ण व संबंधित आयटीआय चे शिक्षण पूर्ण केलेले असणे आवश्यक आहे. 

भरती प्रक्रियेसाठी अर्ज करणाऱ्या उमेदवाराचे किमान वय १८ वर्ष तर कमाल वय ३६ वर्ष या दरम्यान असणे आवश्यक आहे. तर जनरल आणि उमेदवारांना ५०० रुपये अर्ज शुल्क भरावा लागणार आहे. तर एसी/ एसटी/ ईबीसी/ महिला/ ट्रान्सजेंडर उमेदवारांना २५० रुपये अर्ज शुल्क भरावा लागणार आहे. 

परीक्षा पॅटर्न 

भरती प्रक्रियेसाठी कम्प्युटर आधारित टेस्ट होईल. त्यानंतर शारीरिक चाचणी, कागदपत्र पडताळणी होईल. परीक्षेसाठी सामन्य विज्ञानाचे २५ प्रश्न, गणिताचे २५ प्रश्न, सामान्य ज्ञानावर आधारित ३० प्रश्न, सामान्य जागरुकता २० प्रश्न. याशिवाय चुकीच्या उत्तरासाठी १/3 अशा पद्धतीनुसार मार्क कापले जातील. बरोबर उत्तरासाठी एका प्रश्नाला एक मार्क असेल.