जागतिक विद्यापीठाशी स्पर्धा करणारं नयंता विद्यापीठ पुण्यात

एज्युवार्ता न्यूज नेटवर्क 

राज्य सरकारचे नुकतेच हिवाळी अधिवेशन नागपूर (Winter Session Nagpur) येथे पार पडले. यावेळी तीन खासगी विद्यापीठांना परवानगी देणारं विधायक मंजूर करण्यात आलं आहे.  जागतिक विद्यापीठाशी स्पर्धा करणारे नयंता विद्यापीठ आता पुण्यात सुरू होतंय, अशी घोषणा मुख्यमंत्री देवेंद्र फडणवीस (Chief Minister Devendra Fadnavis) यांनी पत्रकार परिषदेत केली आहे. राज्यासह देशातील दहा मोठ्या उद्योजकांनी एकत्रित येऊन नयंता विद्यापीठ सुरू (Nayanta University opens) करण्याचा संकल्प केला आहे. त्याचा कायदाही करण्यात आला असल्याचे मुख्यमंत्री म्हणाले. 

देशातील दहा प्रमुख उद्योजकांनी एकत्रित येऊन 'सेक्शन ८' ही ना नफा ना तोटा या तत्त्वावरील कंपनी तयार केली. या उद्योजकांनी हैद्राबाद येथे जमीन विकत घेऊन तेथे हे विद्यापीठ स्थापन करण्याचा निर्णय घेतला होता. मी स्वतः त्यांना विनंती केली, की तुम्ही महाराष्ट्रात विद्यापीठ स्थापन करा. वेगाने सर्वप्रकारच्या मान्यता देऊ. त्यांनीही ते मान्य केले. हे विद्यापीठ देशातील आगळेवेगळे आणि जागतिक विद्यापीठांशी स्पर्धा करू शकेल असे असणार आहे, फडणवी म्हणाले. 

पुण्यात जवळपास १५ खासगी विद्यापीठे असून, त्यामध्ये आता आणखीन एका नयंता विद्यापीठाची मोलाची भर पडली आहे. या विद्यापीठाद्वारे वेगळ्या प्रकारचे अत्यंत चांगले कोर्सेस सुरू करण्यात येणार आहेत. जागतिक विद्यापीठाशी स्पर्धा करणारे नयंता विद्यापीठ आता पुण्यात सुरू होणार आहे, असेही मुख्यमंत्री देवेंद्र फडणवीस म्हणाले.