अभिमानास्पद! पुणे महापालिकेच्या लिपिकाने या परीक्षेत पटकावला देशात पहिला क्रमांक

एज्युवार्ता न्यूज नेटवर्क 

अखिल भारतीय स्थानिक स्वराज्य संस्थेकडून (All India Local Self Government Organization) चालविल्या जाणाऱ्या एल.जी.एस. (LGS) या पदविका अभ्यासक्रमाच्या जुलै २०२४ तुकडीच्या (Diploma course July 2024 batch) विद्यार्थ्यांचा परीक्षेचा निकाल (Student exam results) नुकताच जाहीर झाला आहे. विशेष बाब म्हणजे, संपूर्ण भारतात गुणवत्ता यादीमध्ये पहिले १० पैकी १० विद्यार्थी हे पुणे केंद्राचे (10 out of the top 10 students in the merit list in India are from Pune center) आहेत. त्यात पुणे महानगरपालिकेच्या लिपिक मधुरा उल्हास बहुलीकर (Pune Municipal Corporation Clerk Madhura Ulhas Bahulikar) यांनी संपूर्ण भारतात व पुणे केंद्रात प्रथम क्रमांक पटकावत अभिमानास्पद कामगिरी केली आहे. त्यांना ६६.५ % टक्के मिळाले आहे. 

या परीक्षेमध्ये पुणे केंद्रातून ५५ विद्यार्थी परीक्षेला बसले होते. त्यापैकी ३४ विद्यार्थी हे उत्तीर्ण झाले. पुणे केंद्राचा ६२% निकाल लागला आहे. या अभ्यासक्रमास बहुतांश विद्यार्थी पुणे महानगरपालिकेचे अधिकारी/ कर्मचारी आहेत. द्वितीय क्रमांक पुणे म.न.पा. चे लिपिक गोवेकर हणमंत ज्यांना  ६३.७५% टक्के मिळाले आहेत, तृतीय क्रमांक पुणे म.न.पा.चे लिपिक महेंद्र गायकवाड ज्यांना ६३.३८% टक्के प्राप्त झाले आहेत. या विद्यार्थ्यांनी पहिल्या तीन मध्ये येण्याचा मान पटकावला.

तसेच एल.एस.जी.डी. या पदविका अभ्यासक्रमाच्या परीक्षेचाही निकाल जाहीर झाला असून या परीक्षेमध्ये पुणे केंद्रातून ११२ विद्यार्थी परीक्षेला बसले होते. त्यापैकी ७१ विद्यार्थी हे उत्तीर्ण झाले. पुणे केंद्राचा ६३.३९% इतका निकाल लागला आहे. याही अभ्यासक्रमास बहुतांश विद्यार्थी पुणे महानगरपालिकेचे अधिकारी/ कर्मचारी आहेत. संपूर्ण भारतात गुणवत्ता यादी मध्ये पहिल्या दहामध्ये काही विद्यार्थ्यांना समान गुण मिळून ११ विद्यार्थी पुणे केंद्राचे आले.

संपूर्ण भारतात द्वितीय व पुणे केंद्रात प्रथम क्रमांक पुणे महानगरपालिकेचे लिपिक टंकलेखक सुनील बोडके ६७.६३% यांना मिळाले असून भारतात तृतीय व पुणे केंद्रात द्वितीय क्रमांक पुणे म.न.पा.च्या लिपिक अर्चना बटवाल यांना ६७.३८%, भारतात चौथा व पुणे केंद्रात तृतीय क्रमांक करमाळा नगरपरिषदेचे कार्यालयीन अधिक्षक स्वप्नील बालेकर यांचा आला आहे. त्यांना ६७.२५% मिळाले आहेत. या विद्यार्थ्यांनी पुणे केंद्रात पहिल्या तीनमध्ये येण्याचा मान मिळविला.

या सर्व विद्यार्थ्यांनी पुणे केंद्राचे नाव संपूर्ण भारतात रोशन केले आहे. त्यांच्या या यशात अखिल भारतीय स्थानिक स्वराज्य संस्था पुणे केंद्राचे विभागीय संचालक दगा मोरे व प्रशिक्षकांचे मोलाचे योगदान लाभले आहे. एल.जी.एस. व एल.एस.जी.डी. अभ्यासक्रमाच्या विद्यार्थ्यांना वर्ग समन्वयक समीर मुरूकटे यांचेही मोलाचे मार्गदर्शन लाभले आहे.