SPPU NEWS : ७५ यशस्वी भारतीय संशोधक महिलांच्या यादीत डॉ. प्रगती ठाकूर यांचे नाव
या पुस्तकात रसायन शास्त्र आणि संबंधित विज्ञानातील ७५ यशस्वी भारतीय संशोधक महिलांच्या वास्तविक जीवनातील कथांचा व प्रवासाविषयी माहिती देण्यात आली आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाची (savitribai phule pune university) मान अभिमानाने उंचावणाऱ्या डॉ. प्रगती ठाकूर-घाटबांधे (Dr. Pragati Thakur Ghatbandhe) यांनी एक विशेष कामगिरी केली आहे. विद्यापीठातील रसायनशास्त्र विभागातील (chemistry department) या प्राध्यापिकेने नुकत्याच आयआयएसईआर भोपाळ (IISER Bhopal) येथे प्रकाशित झालेल्या “SHE IS Women In Chemistry” या पुस्तकामधे (Book) स्थान मिळवले आहे.
भारत सरकारचे प्रमुख वैज्ञानिक सल्लागार, ब्रिटन येथील रॉयल सोसायटी ऑफ केमिस्ट्री आणि रेड डॉट फाउंडेशन यांच्या सहकार्याने लिहिलेल्या या पुस्तकात रसायन शास्त्र आणि संबंधित विज्ञानातील ७५ यशस्वी भारतीय संशोधक महिलांच्या वास्तविक जीवनातील कथांचा व प्रवासाविषयी माहिती देण्यात आली आहे.
डॉ. प्रगती ठाकूर या सावित्रीबाई फुले पुणे विद्यापीठात गेल्या २२ वर्षांपासून अध्यापन व संशोधनाचे कार्य करत आहेत. त्यांच्या मार्गदर्शनाखाली आतापर्यंत २१ विद्यार्थ्यांचा पीएच.डी. व एम.फिल अभ्यासक्रम पूर्ण झाला आहे. त्या सावित्रीबाई फुले पुणे विद्यापीठाच्या विद्या परिषद सदस्य असून एनर्जी टेक्नोलॉजी अभ्यास मंडळाच्या अध्यक्ष व रसायनशास्त्र अभ्यास मंडळाच्या सदस्य देखील आहेत.
