प्रियदर्शनी हायस्कूलच्या विद्यार्थ्यांचा पालखी सोहळ्यात श्रमदानातून सेवा भाव 

एज्युवार्ता न्यूज नेटवर्क 

सामाजिक जबाबदारीच्या भावनेतून प्रियदर्शनी शाळेतील विद्यार्थ्यांनी पालखी सोहळ्यात सक्रिय सहभाग घेतला. पांडूरंगाच्या भक्तीमध्ये तल्लीन झालेले लाखो वारकरी टाळ मृदुंगाच्या तालावर पंढरीच्या दिशेने निघाले आहेत. त्याच वारकऱ्यांची निःस्वार्थपणे सेवा करण्यासाठी प्रियदर्शनी शाळेतील विद्यार्थी पालखी सोहळ्यात सहभागी झाले.

प्रियदर्शनी शाळेच्या मुख्याध्यापकांच्या व शिक्षकांच्या मार्गदर्शनाखाली विद्यार्थ्यांनी रस्ते झाडून, कचरा गोळा करून आणि परिसर स्वच्छ ठेवण्यात महापालिका कर्मचाऱ्यांना मदत केले आणि सेवाभावीवृत्तीने पालखी सोहळ्यात सहभाग नोंदवला. वारी मार्गावर शाळेचा गणवेश परिधान केलेल्या अनेक विद्यार्थ्यांनी झाडू, हातमोजे आणि कचरा पिशव्या घेऊन, शिस्त आणि सेवेचे उदाहरण उभे केले. या उपक्रमातून विद्यार्थ्यांना स्वच्छता व श्रम आणि सेवा याचे महत्त्व समजले. मार्गावर ये-जा करणारे, भाविक आणि अगदी स्थानिक अधिकाऱ्यांनीही विद्यार्थ्यांच्या कामाचे कौतुक केले. याकडे अनेकांनी एकता, साधेपणा आणि सेवेच्या वारकरी परंपरेच्या खऱ्या भावनेचे प्रतिबिंब म्हणून पाहिले.

प्रियदर्शनी शाळेने राबवलेल्या या उपक्रमामुळे केवळ पालखी मार्ग स्वच्छ राहिला नाही तर इतरांना या कामातून आपणही लहानशा कामातून मोठे योगदान देऊ शकतो. याबाबत प्रेरणा मिळाली. प्रियदर्शनी शाळेच्या विद्यार्थ्यानी अशा प्रकारे संत ज्ञानेश्वर महाराजांच्या पालखी प्रस्थानाचे औचित्य साधून  समाजसेवेचा वसा जोपासत पालखी सोहळा साजरा केला.प्रियदर्शनी शाळेचे सर्व विश्वस्त यांच्या मार्गदर्शनाखाली हा कार्यक्रम राबविण्यात आला.