पीएम श्री शाळेतील या विद्यार्थ्यांना 'इंडिया टूर'
श्रेणीसुधारीत कार्यक्रमांतर्गत शाळेतील मुलांना परराज्यात शैक्षणिक सहलीसाठी नेण्यात येणार आहे.
eduvarta@gmail.com 
एज्युवार्ता न्यूज नेटवर्क
इंटरनॅशनल स्कूल्स (International Schools), इतर खाजगी शाळांमधून (Private Schools) विद्यार्थ्यांना(students) नेहमीच परराज्यात सहलीसाठी नेले जाते, पण शासकीय शाळेतील (Government schools) विद्यार्थ्यांना ही मौज परवडणारी नसते. पण आता शासनाने या शाळेतील विद्यार्थ्यांसाठीही 'इंडिया टूर' (India tour) चा उपक्रम सुरू केला आहे.
देशातील अनेक सरकारी शाळा, पीएमए श्री शाळांमध्ये (PM shri school) श्रेणीसुधारित करण्याची सुरुवात करण्यात आली आहे. या श्रेणीसुधारीत कार्यक्रमांतर्गत शाळेतील मुलांना परराज्यात शैक्षणिक सहलीसाठी नेण्यात येणार आहे. या उपक्रमाची सुरुवात आता हरियाणा (hariyana) मधून होणार आहे.
हरियाणा येथील पीएम श्री शाळेतील सुमारे 3 हजार 500 विद्यार्थ्यांना मध्य प्रदेश, केरळ आणि राजस्थानमधील जैसलमेर येथे घेऊन जाण्यात येणार आहे. या दौऱ्यात विद्यार्थ्यांना झाडे, पाने, पर्वत, समुद्र, जंगले, धबधबे, वाळवंट यासह वनस्पती आणि प्राण्यांचा अभ्यास करण्याची संधी मिळेल. यासोबतच शिक्षण संचालनालयाच्या (Directorate of Teaching) प्रकल्पानुसार विद्यार्थी टूर संपवून शाळेत पोहोचताच त्यांना या दौऱ्यात काय दिसले तेही लिहावे लागणार आहे. यामध्ये 250 ते 300 शब्दांत या योजनेत सहभागी झालेल्या प्रत्येक विद्यार्थ्याला काय फायदा झाला, त्याला काय मनोरंजक वाटले, तो कुठे गेला, कोणत्या क्षेत्रात कोणती वैशिष्ट्ये होती, सर्व काही मांडावे लागेल. या उपक्रमात नववी ते बारावीच्या विद्यार्थ्यांचा समावेश करण्यात येणार आहे.
मीडिया रीपोर्ट नुसार, याठिकाणी गिर्यारोहण, पोहणे, घोडेस्वारी, उंट स्वारी आणि इतर गोष्टींचाही विद्यार्थ्यांना आनंद लुटता येईल. ही सर्व कामे तज्ज्ञांच्या देखरेखीखाली होतील. त्याचा उद्देश विद्यार्थ्यांना अभ्यास आणि अभ्यासक्रमाव्यतिरिक्त निसर्गाशी संबंधित रहस्यांची जाणीव करून देणे हा असेल.
