PM इंटर्नशिप पोर्टलवर हजारो रिक्त पदांची माहिती ; 12 ऑक्टोबरपासून अर्ज सुरू 

एज्युवार्ता न्यूज नेटवर्क 

केंद्र सरकारने (Central Govt) देशातील नामांकित कंपन्यांमध्ये इंटर्नशिप करण्यासाठी 21 ते 24 वर्षे वयोगटातील 10 वी किंवा त्यापेक्षा जास्त शिक्षण झालेल्या तरुणांसाठी पीएम इंटर्नशिप योजना (PM Internship Scheme) जाहीर केली आहे. 12 ऑक्टोबरपासून अर्ज भरण्याची प्रक्रिया सुरू होणार आहे. (The application process will start from October 12) या योजनेंतर्गत आतापर्यंत 130 कंपन्यांनी त्यांच्याकडे 50 हजार इंटर्नच्या जागा उपलब्ध असल्याची माहिती अपलोड केली आहे (130 companies have uploaded information to recruit 50 thousand interns) . 

या योजनेंतर्गत पहिल्या टप्यात इंटर्नशिपसाठी अर्ज मागण्यापूर्वी, कंपन्यांनी त्यांच्याकडे उपलब्ध असलेल्या इंटर्नशिपच्या रिक्त पदांचा तपशील देणे आवश्यक होते. मीडिया रिपोर्टनुसार, सुमारे 130 कंपन्यांनी योजनेच्या पोर्टलवर 50 हजार इंटर्नची नियुक्ती करणार असल्याची माहिती अपलोड केली आहे. आता 12 ऑक्टोबरपासून या योजनेच्या अर्जाची प्रक्रिया सुरू होणार आहे.

या योजनेत, असे लोक अर्ज करू शकतात जे कुठेही पूर्णवेळ नोकरी करत नाहीत. याशिवाय ज्या युवकांचे आई-वडील किंवा पती किंवा पत्नी सरकारी नोकरीत आहेत किंवा ज्यांचे कुटुंबाचे उत्पन्न 8 लाख रुपयांपेक्षा जास्त आहे किंवा पूर्णवेळ अभ्यासक्रम शिकत आहेत ते या योजनेसाठी अर्ज करू शकणार नाहीत. ऑनलाइन किंवा दूरस्थ शिक्षण कार्यक्रमांमध्ये नावनोंदणी करून अभ्यास करणारे तरुण इंटर्नशिपसाठी अर्ज करू शकतात.

या योजनेअंतर्गत, इच्छुक उमेदवार 12 ऑक्टोबरपासून pminternship.mci.gov.in या योजनेच्या अधिकृत वेबसाइटद्वारे अर्ज करू शकतील. 25 ऑक्टोबरपर्यंत अर्ज स्वीकारले जातील. इंटर्नशिप 2 डिसेंबरपासून सुरू होईल. इंटर्नशिप दरम्यान उद्भवलेल्या कोणत्याही समस्या किंवा तक्रारी ताबडतोब नोंदविण्यास इंटर्न सक्षम असतील. यासाठी १८००-११६-०९० हा टोल फ्री क्रमांक सुरू करण्यात आला आहे.

केंद्र सरकार इंटर्नशिप दरम्यान प्रत्येक इंटर्नला 4 हजार 500 रुपये प्रति महिना स्टायपेंड देईल. संबंधित कंपनी आपल्या कॉर्पोरेट सोशल रिस्पॉन्सिबिलिटी अंतर्गत इंटर्नला 500 रुपये अतिरिक्त भत्ता देखील देईल. एक वर्षाच्या इंटर्नशिपनंतर प्रमाणपत्र दिले जाईल आणि कंपनीत जागा रिक्त राहिल्यास तरुणांना तेथे कायमस्वरूपी नोकरीही मिळेल.