शिक्षक, पदवीधर निवडणुकीसाठी नव्याने मतदार नोंदणी प्रक्रिया सुरू
पदवीधर आणि शिक्षक मतदारसंघांच्या निवडणुकीसाठी नव्याने मतदार याद्या करण्यात येणार आहेत. त्यासाठी मतदारांना ६ नोव्हेंबरपर्यंत अर्ज करावे लागणार असून, अंतिम मतदार यादी ३० डिसेंबरला प्रसिद्ध केली जाणार आहे. पात्र मतदारांना पदनिर्देशित अधिकाऱ्यांकडून कागपत्रांची पडताळणी करूनच अर्ज सादर करता येणार आहे, अशी माहिती मतदार नोंदणी अधिकारी तथा विभागीय आयुक्त डॉ. चंद्रकांत पुलकुंडवार यांनी दिली.
eduvarta@gmail.com 
एज्युवार्त न्यूज नेटवर्क
पुढील वर्षी ऑक्टोबरमध्ये होणाऱ्या पदवीधर आणि शिक्षक मतदारसंघांच्या निवडणुकीसाठी (Graduate and teacher elections) नव्याने मतदार याद्या करण्यात येणार आहेत. त्यासाठी मतदारांना ६ नोव्हेंबरपर्यंत अर्ज करावे लागणार असून, अंतिम मतदार यादी ३० डिसेंबरला प्रसिद्ध केली जाणार आहे. पात्र मतदारांना पदनिर्देशित अधिकाऱ्यांकडून कागपत्रांची पडताळणी करूनच अर्ज सादर करता येणार आहे, अशी माहिती मतदार नोंदणी (Voter registration process begins) अधिकारी तथा विभागीय आयुक्त डॉ. चंद्रकांत पुलकुंडवार (Dr. Chandrakant Pulkundwar) यांनी दिली. मतदार नोंदणीत बनावट मतदार आढळल्यास फौजदारी गुन्हा दाखल करण्याचा इशाराही त्यांनी दिला आहे. विधानभवनात आयोजित पत्रकार परिषदेत ते बोलत होते.
आदिवासी उमेदवारांना एमपीएससीतर्फे घेतल्या जाणाऱ्या परीक्षांसाठी मोफत प्रशिक्षणाची संधी
पुलकुंडवार म्हणाले, "या निवडणुकीसाठी गेल्या वेळेची मतदार यादी ग्राह्य धरली जाणार नाही. त्यामुळे प्रत्येकाला नव्याने नोंदणी करावी लागेल. पदवीधर मतदारसंघासाठी निवडणूक जाहीर होण्याच्या तारखेपूर्वी किमान तीन वर्षे आधी मतदाराकडे देशातील मान्यता प्राप्त विद्यापीठाची पदवी असावी. अर्ज करण्यापूर्वी अधिकाऱ्याकडून पडताळणी करून किंवा नोटरी करून अर्ज करावा लागणार आहे. शिक्षक मतदरासंघासाठी पात्र मतदारांना अहर्ता दिनांकाच्या सहा वर्षे आधी किमान तीन वर्षे मान्यताप्राप्त संस्थेत पूर्णवेळ शिक्षक म्हणून नोकरी केलेली असावी. ऑनलाइन प्रकिया लवकरच सुरू होणार असून त्यातही कागदपत्रांची पडताळणी प्रत्यक्ष अधिकाऱ्यांकडूनच करावी लागणार आहे."
नोंदणीसाठी एकत्रित अथवा गठ्ठा पद्धतीने नोंदणीस मज्जाव करण्यात आला असून असे अर्ज बाद ठरविण्यात येतील असे स्पष्ट करत पुलकुंडवार यांनी शिक्षक मतदारसंघासाठी मात्र, एका संस्थेत असलेल्या शिक्षकांसाठी एकत्रित मतदार अर्ज सादर करण्याची मुभा असल्याचे सांगितले तर एकाच घरातील पदवीधरांनी एकत्रित अर्ज आणल्यास ते स्वीकारण्यात येतील असेही स्पष्ट केले.
अशी असेल प्रक्रिया -
नवीन मतदार नोंदणीसाठी ३० सप्टेंबरपासून अर्ज प्रक्रिया सुरू करण्यात येणार. त्यासाठी अर्ज करण्याची अंतिम मुदत ६ नोव्हेंबर देण्यात आली आहे. प्राथमिक मतदार यादी २० नोव्हेंबर रोजी जाहीर केली जाईल. तर २५ नोव्हेंबर ते १० डिसेंबर या कालावधीत हरकती नोंदवल्या जाणार आहेत. पुरवणी मतदार यादी २५ डिसेंबरला तर अंतिम मतदार यादी ३० डिसेंबर २०२५ रोजी प्रसिद्ध केली जाणार आहे.
