NCERTची पुस्तके आता ॲमेझॉनवर; पाठ्यपुस्तकांच्या किमतीत तीनपट वाढ
ऑनलाइन प्लॅटफॉर्म NCERT च्या सहकार्याने सरकारी संस्था आणि शाळांसाठी मोठ्या प्रमाणात ऑर्डरिंग सुलभ करेल. यामुळे संस्थांना मोठ्या प्रमाणात पाठ्यपुस्तके खरेदी करणे सोपे होणार आहे.
eduvarta@gmail.com 
एज्युवार्ता न्यूज नेटवर्क
नॅशनल कौन्सिल ऑफ एज्युकेशनल रिसर्च अँड ट्रेनिंग (National Council of Educational Research and Training) NCERT या वर्षी पाठ्यपुस्तकांच्या प्रकाशनात तिपटीने वाढ करणार (Publication of textbooks will increase threefold this year) असून एकूण 15 कोटी पुस्तकांची छपाई करण्यात येणार असल्याची घोषणा केंद्रीय शिक्षणमंत्री धर्मेंद्र प्रधान (Dharmendra Pradhan) यांनी केली आहे. आणखी एक महत्वाची बाब म्हणजे आता NCERT ची पुस्तके 'ॲमेझॉन' या ऑनलाइन शॉपिंग प्लॅटफॉर्मवरही उपलब्ध (NCERT books are also available on 'Amazon') होणार आहे.
धर्मेंद्र प्रधान म्हणाले की,"आम्ही ई-बुक्सच्या विकासासाठी आग्रह धरला. हे ई-बुक्स संवादात्मक आणि एआय-शक्तीवर चालणारे आहेत.ज्यात टॉकिंग बुक्ससारख्या नवकल्पनांचा समावेश आहे. एनसीईआरटीची सर्व इयत्तेची पाठ्यपुस्तके ऑनलाइन उपलब्ध करून दिली जातील. "हे पुरवठ्यातील कमतरता, विलंबित उपलब्धता आणि पाठ्यपुस्तकांची प्रादेशिक कमतरता यासारख्या आव्हानांना तोंड देईल." या पार्श्वभूमीवर शिक्षणमंत्र्यांनी नुकतेच NCERT आणि ॲमेझॉन यांच्यात सामंजस्य करार केला.
या प्लॅटफॉर्मवर फक्त मूळ NCERT पाठ्यपुस्तके विकली जातील. यामुळे पायरेटेड NCERT पाठ्यपुस्तकांच्या विक्रीला आळा घालण्यास मदत होईल. वैयक्तिक ग्राहकांना सेवा देण्याव्यतिरिक्त, ऑनलाइन प्लॅटफॉर्म NCERT च्या सहकार्याने सरकारी संस्था आणि शाळांसाठी मोठ्या प्रमाणात ऑर्डरिंग सुलभ करेल. यामुळे संस्थांना मोठ्या प्रमाणात पाठ्यपुस्तके खरेदी करणे सोपे होणार आहे. या प्रयत्नामुळे विद्यार्थी, पालक आणि शिक्षकांना अत्यावश्यक संसाधनांमध्ये प्रवेश करणे सोपे होईल, असा विश्वासही प्रधान यांनी व्यक्त केला.
