मुंबईतील पहिल्या 'जेन झी पोस्ट ऑफिस'चे उद्धघाटन 

एज्युवार्ता न्यूज नेटवर्क 

प्रत्येक पिढीकडून शिकण्यासारख्या प्रचंड गोष्टी आहेत. जुनी पिढी आपल्याला संस्कृतीचा वारसा नव्या पिढीला देते. ही पिढी तो जतन करते आणि त्यानंतर येते ती जेन झी पिढी ती हा वारसा पुढे घेऊन जाते. या सगळ्या नैसर्गिक चक्रामुळे देशात अनेक नवीन गोष्टींना चालना मिळते आहे. विकसित भारत म्हणून देश नावारूपाला येत असून याच विकासाला पुढे नेट भारतीय टपाल विभाग मुंबईतले पहिले जेन झी पोस्ट ऑफिस (Gen-Z Post Office) (टपाल कार्यालय) आयआयटी मुंबई इथे सुरु करण्याचा निर्णय घेतला आहे. या जेन झी पोस्ट ऑफिसचे उद्घाटन (Inauguration of the Gen Zee Post Office) १८ डिसेंबर, २०२५ रोजी आयआयटी मुंबईच्या (IIT Bombay) परिसरात झाले. 

हा उपक्रम टपाल विभागाच्या आधुनिकीकरण आणि युवा पिढीशी अधिक संलग्नपणे जोडला जाण्याच्या प्रवासातील एक महत्त्वाचा टप्पा म्हणून ओळखला जाणार आहे. भारतीय टपाल सेवेच्या एका नवीन परिवर्तनकारी दृष्टिकोनाशी अनुरूप असलेले हे जेन झी टपाल कार्यालय विशेषतः तरुण, विद्यार्थी आणि डिजिटल युगातील लोकांसाठी तयार केलेल्या टपाल सेवांसाठी एक नवीन आणि समकालीन दृष्टिकोन यामुळे सादर केला जाणार आहे. 

या आधी दिल्ली, केरळ, गुजरात, बिहार आणि आंध्र प्रदेशमध्ये अशाच प्रकारच्या टपाल कार्यालयांच्या यशस्वी सुरुवात करण्यात आली आहे. त्यानंतर आता मुंबईत देखील हा शुभारंभ देशाच्या विकासाच्या दृष्टीने महत्वाचे पाऊल ठरणार आहे. महाराष्ट्र आणि गोवा परिमंडळाचे मुख्य पोस्टमास्टर जनरल अमिताभ सिंह तसेच भारतीय टपाल सेवेच्या (मुंबई विभाग) टपाल सेवा संचालक केया अरोरा यांच्या हस्ते, आयआयटी मुंबईच्या कुलसचिवांच्या उपस्थितीत, याशिवाय भारतीय टपाल सेवेचे अधिकारी, कर्मचारी त्याचबरोबर आयआयटी मुंबईतील मान्यवरांच्या उपस्थितीत हा भव्य उद्घाटन सोहळा पार पडला. 

या जागेची रचना, भित्तिचित्रे आणि भिंतींवरील डिझाइन भारतीय टपाल सेवेच्या चमूने आयआयटी मुंबईच्या विद्यार्थ्यांसोबत समन्वय साधून विकसित केले आहेत. त्यामुळे यामध्ये सर्जनशीलता, कार्यक्षमता आणि तंत्रज्ञान यांचा सुरेख असा संगम साधण्यात आला असल्याचे सांगण्यात आले आहे.

जेन झीच्या टपाल कार्यालयाची प्रमुख वैशिष्ट्ये 

- मोफत वाय-फाय सुविधा देखील याठिकाणी असणार आहे.

- कॅफेटेरिया-शैलीतील बैठक व्यवस्था आणि एक छोटे वाचनालय देखील असणार आहे.

- समर्पित संगीत कक्षसुद्धा या ठिकाणी असेल.

- निवडक टपाल तिकीट संग्रह संबंधित पूरक वस्तूचा पुरवठा सुद्धा होणार आहे.

- पार्सल आणि लॉजिस्टिक्स सेवांबद्दल जागरूकता निर्माण करण्यासाठी 'पार्सल ज्ञान पोस्ट'.

- पूर्णपणे डिजिटल, क्यूआर-आधारित सेवा वितरण.

- आधार नोंदणी आणि अद्ययावत करण्याची सुविधा.

- टपाल कार्यालय बचत बँक योजनेचे मूल्यांकन आणि मार्गदर्शन.