सरकारी नोकरीची सुवर्णसंधी! आरोग्य विभागात तब्बल 1 हजार 440 जागांसाठी मेगाभरती

 एज्युवार्ता न्यूज नेटवर्क 

डॉक्टरी क्षेत्रातील शिक्षण घेतलेल्या तरुणांसाठी सरकारी नोकरीची सुवर्णसंधी चालून आली आहे. महाराष्ट्र सार्वजनिक आरोग्य विभागामध्ये (Public Health Department) वैद्यकीय अधिकारी पदासाठी मेगाभरती केली जात आहे. या भरती मोहिमेअंतर्गत 'वैद्यकीय अधिकारी आणि विशेषज्ञ' या दोन पदांसाठी 1440 जागा (1440 vacancies for two posts) भरल्या जाणार आहेत. इच्छुक आणि पात्र उमेदवार महाराष्ट्र सार्वजनिक आरोग्य विभागाच्या अधिकृत संकेतस्थळावर जाऊन आपला अर्ज भरू शकतात. अर्ज भरण्याची अंतिम मुदत २० मार्चपर्यंत (Deadline is March 20th) देण्यात आली आहे. 

महाराष्ट्र सार्वजनिक आरोग्य विभागामध्ये मेडिकल ऑफिसर पदासाठी 1440 पदांसाठी नोकरभरती होणार आहे. ही नोकरभरती मोठ्या संख्येने केली जात असून फार मोठ्या कालावधीनंतर आरोग्य विभागामध्ये राज्यातल्या तरूणांसाठी नोकरीची सुवर्णसंधी चालून आली आहे. 'वैद्यकीय अधिकारी गट-अ (MO)-MBBS' आणि 'वैद्यकीय अधिकारी गट-अ (MO)-विशेषज्ञ' अशा दोन वेगवेगळ्या पदांसाठी भरती केली जात आहे. एकूण 1440 रिक्त पदांसाठीही भरती केली जाणार आहे.

'वैद्यकीय अधिकारी गट-अ (MO)-MBBS' पदासाठी MBBS ची पदवी असणे अनिवार्य असणार आहे. 'वैद्यकीय अधिकारी गट-अ (MO)-विशेषज्ञ' पदासाठी वैद्यकीय पदव्युत्तर पदवी/पदविका किंवा समतुल्य अशा शैक्षणिक पात्रतेची आवश्यकता आहे. 18 ते 38 वयोगटातील उमेदवार या नोकर भरतीसाठी पात्र होणार आहेत. नोकरभरतीमध्ये इतर मागासवर्गीय उमेदवारांना आणि आर्थिक दुर्बल घटकातील उमेदवारांना 5 वर्षांसाठी वयोमर्यादेत सूट दिली आहे. इतर सर्व उमेदवारांना 18 ते 38 हिच वयोमर्यादा असेल.

खुल्या प्रवर्गातील उमेदवारांसाठी 1000 रूपये इतका परिक्षा शुल्क असणार आहे. तर, इतर मागासवर्गीय उमेदवार, आर्थिक दुर्बल घटकातील उमेदवार, अनाथ उमेदवार, दिव्यांग उमेदवार, महिला उमेदवार आणि खेळाडू यांना 700 रूपये इतके परिक्षा शुल्क असणार आहे. ऑनलाईन पद्धतीनेही अर्ज प्रक्रिया करायची असून ऑनलाईन पद्धतीने परिक्षा शुल्क उमेदवारांना भरावे लागणार आहे.