TET परीक्षा अर्ज नोंदणीसाठी मुदतवाढ; अतिवृष्टीमुळे संधी

एज्युवार्त न्यूज नेटवर्क 

भावी शिक्षकांसाठी महत्त्वाची अपडेट समोर आली आहे. महाराष्ट्र राज्य परीक्षा परिषदेने (Maharashtra State Examination Council) महटीईटी परीक्षेच्या  (MahaTET Exam 2025) अर्ज नोंदणीसाठी ९ ऑक्टोबरपर्यंत मुदतवाढ (Extension till October 9) दिली आहे. त्यामुळे अद्याप अर्ज नोंदणी न केलेल्या विद्यार्थ्यांसाठी अर्ज करण्याची आणखीन एक संधी प्राप्त झाली आहे. महाराष्ट्र शिक्षक पात्रता परीक्षा (TET) २०२५ परीक्षेचे आयोजन रविवार दि. २३ नोव्हेंबर २०२५ रोजी राज्यातील विविध परीक्षा केंद्रावर घेण्याचे नियोजित आहे.

राज्यातील प्रत्येक शाळेत 'माजी विद्यार्थी संघ' स्थापन करा; शिक्षण विभागाचे आवाहन

महाटीईटी परीक्षेसाठी ऑनलाईन आवेदन सादर करण्याचा यापूर्वीचा कालावधी आज दि. ३ ऑक्टोबर रोजी संपुष्टात आला आहे. त्यानंतर सहा दिवसांची मुदत वाढवून त्याचा कालावधी ९ ऑक्टोबर करण्यात आला आहे. राज्यात काही जिल्ह्यांमध्ये अतिवृष्टी व पुरस्थिती निर्माण झाल्याने परीक्षार्थी/उमेदवारांना ऑनलाईन आवेदनपत्र भरण्यास अडचणींना सामोरे जावे लागल्याने ऑनलाईन आवेदनपत्र भरण्यासाठी ९ ऑक्टोबर २०२५ रात्री ११:५९ पर्यंत मुदतवाढ देण्यात येत आहे.

तसेच विद्यार्थी/उमेदवारांना तांत्रिक अडचणीमुळे परीक्षा शुल्क भरता न आल्यामुळे संबंधित परीक्षार्थी/उमेदवारांना नेट बैंकिंग/डेबिट कार्ड/क्रेडिट कार्ड द्वारे ९ ऑक्टोबर २०२५ रात्री ११:५९ पर्यंत मुदतवाढ देण्यात येत आहे. यानंतर कोणत्याही परिस्थितीत मुदतवाढ मिळणार नाही. संबंधित परीक्षार्थी उमेदवारांनी याची काळजीपूर्वक नोंद घ्यावी, असे महाराष्ट्र राज्य परीक्षा परीषदेने म्हटले आहे.