MPSC : पीएसआय मुख्य परीक्षेचा निकाल जाहीर..

एज्युवार्ता न्यूज नेटवर्क 

महाराष्ट्र लोकसेवा आयोगाने (Maharashtra Public Service Commission) महाराष्ट्र गट-ब (अराजपत्रित) सेवा संयुक्त मुख्य परीक्षा 2024 चा (Joint Main Exam 2024) पोलीस उपनिरीक्षक पदाचा निकाल जाहीर (PSI post result announced) केला आहे. यंदा या परीक्षेचा कट ऑफ काही प्रमाणात वाढल्याचे दिसून येत आहे. ही परीक्षा 29 जून, 2025 रोजी घेण्यात आली होती आणि पात्र ठरलेल्या उमेदवारांची यादी आणि कटऑफ गुणांसह (Merit list of candidates published) निकाल 17 सप्टेंबर, 2025 रोजी जाहीर करण्यात आला. मुख्य परीक्षेत दोन पेपर होते आणि शारीरिक चाचणी तसेच मुलाखतीसाठी पात्र ठरलेल्या उमेदवारांची नावे जाहीर करण्यात आली आहेत. शारीरिक चाचणी आणि मुलाखतीचे वेळापत्रक लवकरच एमपीएससीच्या संकेतस्थळावर जाहीर केले जाईल, असे आयोगाकडून सांगण्यात आले आहे.

'नव्याने वैयक्तिक मान्यता व शालार्थ आयडी'साठी सुधारित कार्यपद्धती लागू

महाराष्ट्र लोकसेवा आयोगाने महाराष्ट्र गट-ब (अराजपत्रित) सेवा संयुक्त मुख्य परीक्षा 2024 अंतर्गत पोलीस उपनिरीक्षक पदासाठी घेण्यात आलेल्या परीक्षेचा निकाल जाहीर केला आहे. निकालानुसार, उमेदवार शारीरिक चाचणी आणि मुलाखतीसाठी पात्र ठरले आहेत. पात्र उमेदवारांची यादी, त्यांचे सीट नंबर आणि कटऑफ गुण एमपीएससीच्या वेबसाइटवर उपलब्ध आहेत. उमेदवारांनी ऑनलाइन अर्जात दिलेल्या माहितीच्या आधारे शारीरिक चाचणीसाठी निवड करण्यात आली आहे. शारीरिक चाचणीसाठी निवडलेले उमेदवार पात्रता निकषांच्या पडताळणीच्या अधीन असतील.

पोलीस उपनिरीक्षक पदासाठी कट ऑफ गुण वेगवेगळ्या श्रेणी आणि उपश्रेणीनुसार बदलतात. कटऑफ गुण हे ओपन, एससी, एसटी, DT (A), NT (B), SBC, NT (C), NT (D), ओबीसी, EWS, SEBC आणि अनाथ श्रेणींसाठी तसेच प्रत्येक श्रेणीतील जनरल, महिला आणि खेळाडू उपश्रेणीनुसार उपलब्ध आहेत. कटऑफ गुणांची माहिती MPSC च्या वेबसाइटवर तक्त्याच्या स्वरूपात दिली आहे. यामध्ये जनरल मुलांचे कट ऑफ गुण हे 292.50 तर मुलींचे कट ऑफ गुण 275.50 आहेत. तर ओबीस मुलांसाठी 276 आणि मुलींसाठी 255.50 एवढे कट ऑफ गुण आहेत. पुढील तक्त्यात सविस्तर कट ऑफ गुण पाहता येतील.