NEET PG समुपदेशनाच्या दुसऱ्या फेरीसाठी नोंदणी प्रक्रिया आजपासून  सुरू

वैद्यकीय समुपदेशन समितीतर्फे (Medical counseling Committee -MCC) आजपासून NEET PG समुपदेशनाच्या दुसऱ्या फेरीसाठी नोंदणी प्रक्रिया सुरू करण्यात आली आहे. (NEET PG counselling will begin today) सुधारित MCC NEET PG समुपदेशन 2024 वेळापत्रकानुसार फेरी 2 साठी नवीन नोंदणी 4 डिसेंबरपासून सुरू होईल आणि 12 डिसेंबर रोजी दुपारी 12 वाजता संपेल.

 मागील फेऱ्यांमध्ये भरलेल्या निवडी ' अवैध ' मानल्या जातील. परिणामी, विद्यार्थ्यांना दुसऱ्या फेरीसाठी कॉलेज आणि अभ्यासक्रमांची निवड स्वतंत्रपणे भरावी लागणार आहे. पसंतीच्या क्रमाने पर्याय सबमिट करण्याची विंडो उद्या 5 डिसेंबर रोजी उघडली जाईल.

उमेदवारांना पर्याय भरण्यासाठी आणि लॉक करण्यासाठी पाच दिवसांचा कालावधी दिला जाईल. यानंतर 12 डिसेंबरला जागावाटप जाहीर होईल. त्याच दिवशी NEET PG राज्य समुपदेशनासाठी फेरी 2 समुपदेशन प्रक्रिया सुरू होणार आहे.

दरम्यान, सर्वोच्च न्यायालयाने पोस्ट ग्रॅज्युएशन (NEET PG 2024) साठी राष्ट्रीय पात्रता-सह-प्रवेश परीक्षेतील पारदर्शकतेवरील याचिकांची सुनावणी सहाव्यांदा पुढे ढकलली आहे. 

NEET PG फेरी 2 च्या समुपदेशनासाठी महत्त्वाच्या तारखा

* ४ डिसेंबरपासून नोंदणी सुरू होईल
* दुसऱ्या फेरीची नोंदणी शेवटची तारीख ९ डिसेंबर  दुपारी 12 वाजेपर्यंत 
* 5 डिसेंबर ते 9 डिसेंबरपर्यंत पर्याय भरणे
* 9 डिसेंबर रोजी दुपारी 4 ते 11.55 या वेळेत चॉईस लॉकिंग
* 10 ते 11 डिसेंबर दरम्यान जागा वाटप प्रक्रिया
* 13 ते 20 डिसेंबर दरम्यान वाटप केलेल्या महाविद्यालयात अहवाल देणे
* समाविष्ट उमेदवारांच्या डेटाची संस्थांद्वारे पडताळणी आणि MCC 21 ते 22 डिसेंबरपर्यंत डेटा शेअर करणे.