ICMAI CMA जून 2024 सत्राचा निकाल जाहीर
icmai.in या अधिकृत वेबसाइटवरील सक्रिय लिंकद्वारे विद्यार्थी त्यांचे निकाल पाहू शकतात.
Eduvarta
एज्युवार्ता न्युज नेटवर्क
इन्स्टिट्यूट ऑफ कॉस्ट अकाउंटंट्स ऑफ इंडियाने (ICMAI) कॉस्ट अँड मॅनेजमेंट अकाउंटंटच्या (CMA) इंटरमीडिएट (intermediate) आणि फायनल कोर्सेसच्या (final courses) जून 2024 सत्राच्या परीक्षांचे निकाल (Exam Results) आज, शुक्रवार, 23 ऑगस्ट रोजी घोषित करण्यात आला आहे.संस्थेने शेअर केलेल्या माहितीनुसार, icmai.in या अधिकृत वेबसाइटवरील सक्रिय लिंकद्वारे विद्यार्थी त्यांचे निकाल पाहू शकतात.
विद्यार्थ्यांनी निकाल तपासण्यासाठी अधिकृत वेबसाइटला भेट द्यावी. नंतर परीक्षा विभागात जावे. येथे पुन्हा निकालाच्या लिंकवर क्लिक करावे. आता या पेजवर सक्रिय केलेल्या इंटरमिजिएट आणि फायनल जून 2024 परीक्षा निकालांच्या लिंक्सवरून विद्यार्थ्यांना संबंधित लिंकवर क्लिक करावे लागेल. त्यानंतर निकाल (ICMAI CMA निकाल जून 2024) पृष्ठावर, विद्यार्थ्यांनी त्यांचा ओळख क्रमांक भरून तो सबमिट करावा. उमेदवारांना त्यांचा निकाल स्क्रीनवर पाहता येईल, ज्याची प्रिंट घेतल्यानंतर, विद्यार्थ्यांनी सॉफ्ट कॉपी देखील जतन करावी.
दरम्यान, ICMAI ने 11 ते 18 जून या कालावधीत जून 2024 च्या परीक्षांचे आयोजन केले होते. याच कालावधीत संस्थेने इंटरमीडिएट प्रोग्राम (अभ्यासक्रम 2022) च्या जून 2024 सत्रासाठी देखील परीक्षा घेतल्या होत्या.
