पोलीस दलातील १५ हजार पदे भरतीचा शासन निर्णय प्रसिद्ध

एज्युवार्ता न्यूज नेटवर्क

मागील काही महिन्यांपासून महाराष्ट्र राज्य पोलीस भरतीची (Maharashtra State Police Recruitment) वाट पाहाणाऱ्या तरुणांसाठी महत्त्वाची अपडेट समोर आली आहे. महाराष्ट्र पोलीस दलातील १५ हजार ६३१ रिक्त जागा भरतीचा (Recruitment of 15 thousand 631 vacancies) शासन निर्णय गृह विभागाकडून प्रसिद्ध (Government decision published) केला आहे. विशेष सवलतीत, २०२२ आणि २०२३ मध्ये कमाल वयोमर्यादा ओलांडलेल्या उमेदवारांनाही अर्ज करण्याची परवानगी दिली जाईल, असे शासन निर्णयात म्हटले आहे. त्यामुळे या विद्यार्थ्यांना अधिकची संधी मिळणार आहे.

अंधत्व मुक्त महाराष्ट्र योजनेतून राज्यातील २५ लाख विद्यार्थ्यांची मोफत नेत्र तपासणी

पूर्वी, थेट भरतीद्वारे फक्त ५० टक्के पदे भरता येत होती, परंतु कर्मचाऱ्यांची तातडीची गरज लक्षात घेता ही मर्यादा रद्द करण्यात आली होती, असे या निर्णयात नमूद केलेले आहे. भरती प्रक्रिया विभागीय स्तरावर पार पाडली जाईल आणि ओएमआर (ऑप्टिकल मार्क रिकग्निशन) आधारित लेखी परीक्षा घेतली जाईल. खुल्या श्रेणीतील उमेदवारांसाठी परीक्षा शुल्क ४५० रुपये आणि राखीव श्रेणीतील उमेदवारांसाठी ३५० रुपये असेल असे नमूद करण्यात आले आहे.

तसेच परीक्षा शुल्क स्वरुपात जमा झालेली रक्कम आवश्यकतेनुसार भरती प्रक्रियेकरीता खर्च करण्यास मान्यता देण्यात आली आहे. १५ हजार ६३१ पदांमध्ये २०२४ मध्ये रिक्त झालेल्या आणि २०२५ मध्ये रिक्त होणार्‍या पदांचा समावेश आहे. यात पोलिस कॉन्स्टेबलची १२ हजार ३९९ पदे, २३४ पोलिस कॉन्स्टेबल चालक २५, बँड्समन, २ हजार ३९३ सशस्त्र पोलिस कॉन्स्टेबल आणि तुरुंग कॉन्स्टेबल यांच्या ५८० पदांचा समावेश आहे.