अकरावी प्रवेशाची पहिली विशेष फेरी जाहीर 

एज्युवार्ता न्यूज नेटवर्क 

पुणे व पिंपरी चिंचवड महानगरपालिका कार्यक्षेत्रांतर्गत इयता अकरावी केंद्रीय प्रवेश प्रक्रियेची (Class XI Central Admission Process)विशेष प्रवेश फेरी १ ची गुणवता यादी 5 ऑगस्ट रोजी जाहीर झाली आहे.प्रवेशासाठी एकूण क्षमता ६८ हजार ५४२ असून अंतिम गुणवता यादीमध्ये ३३ हजार ८ विद्यार्थी आहेत. त्यापैकी ३० हजार ५९४ विद्यार्थ्यांना त्यांचे पतीनुसार कनिष्ठ महाविद्यालयांचे वाटप झाले आहे. कला शाखेत २ हजार २५४ विद्यार्थ्यांना पसंतीनुसार कनिष्ठ महाविद्यालय वाटप आले असून वाणिज्य शाखेच्या ११ हजार ३१७ विद्याध्यर्थ्यांना तर विज्ञान शाखेच्या १६ हजार ९९ विद्यार्थ्यांना पसंतीनुसार कनिष्ठ महाविद्यालय वाटप झाले आहेत.

व्यावसायिक शिक्षण शाखेकरिता ६२४ विद्यार्थ्यांना पसंतीनुसार कनिष्ट महाविद्यालय वाटप झाले आहेत. प्रथम पसंतीक्रम दिलेल्या २४ हजार ८१७ विद्यार्थ्यांना कनिष्ठ महाविद्यालय वाटप करण्यात आले.ज्या विद्यार्थ्यांला मिळालेल्या विद्यालयात प्रवेश घ्यायचा असेल त्या विद्यार्थी लॉगीन मध्ये प्रोसिड फॉर ऍडमिशन वर क्लिक करून आवश्यक कागदपत्रे अपलोड करावीत. तसेच वाटप झालेल्या विद्यालयात जाऊन आपला प्रवेश निश्चित करावा. 

पुढील फेरीसाठी नवीन विद्यार्थी नोंदणी आणि अर्ज भाग एक भरणे सुरू राहील या कालावधीत फॉर्म भाग एक मध्ये अनलॉक / दुरुस्ती करता येणार नाही. 
दि ५ ऑगस्ट ते ८ ऑगस्ट रोजी संध्याकाळी ६-०० वाजेपर्यंत विद्यार्थ्यांनी कनिष्ठ महाविद्यालयात प्रवेश घ्यायचा आहे, अशी माहिती इयत्ता अकरावी केंद्रीय प्रवेश प्रक्रिया सदस्य सचिव डॉ. ज्योती परिहार यांनी दिली.