पुणे विद्यापीठ : आभियांत्रिकी शाखेचे २०२५-२६ चे वार्षिक वेळापत्रक जाहीर
विद्यापीठाच्या वार्षिक वेळापत्रकानुसार, बी.ई./बी.टे, एम.ई./एम.टेक, बी. आर्च, एम. आर्च. या सर्व अभ्यासक्रमाच्या पहिल्या सत्रासाठी १५ सप्टेंबर ते १० जानेवारीपर्यंत तासिका घेतल्या जातील. त्यानंतर लगेच १२ जानेवारी ते २२ जानेवारी या कालावधीत पहिल्या सत्राच्या परीक्षा घेतल्या जातील. तर २२ ते २६ जानेवारी या कालावधीत सुट्ट्या देण्यात येतील.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाकडून (Savitribai Phule Pune University) बी.ई./बी.टे, एम.ई./एम.टेक, बी. आर्च, एम. आर्च. (B.E./B.Tech, M.E./M.Tech, B. Arch, M. Arch. Courses) या आभियांत्रिकी अभ्यासक्रमाचे वार्षिक वेळापत्रक जाहीर (Annual schedule announced) करण्यात आले आहे. विद्यापीठ आणि संलग्न महाविद्यालये तसेच मान्यताप्राप्त संस्थांसाठी २०२५-२६ साठी हे वेळापत्रक लागू असणार आहे. यामध्ये महाविद्यालये कधी सुरू होणार पहिल्या सत्रातील परीक्षा आणि दुसऱ्या सत्रातील परीक्षा तसेच दोन्ही सत्रानंतर देण्यात येणाऱ्या सुट्ट्यांचा कालावधी याचा समावेश यामध्ये करण्यात आला आहे.
शिक्षकेतर कर्मचाऱ्यांचा पदोन्नतीचा मार्ग मोकळा, न्यायालयाकडून शासनाचा जीआर अवैध
विद्यापीठाच्या वार्षिक वेळापत्रकानुसार, बी.ई./बी.टे, एम.ई./एम.टेक, बी. आर्च, एम. आर्च. या सर्व अभ्यासक्रमाच्या पहिल्या सत्रासाठी १५ सप्टेंबर ते १० जानेवारीपर्यंत तासिका घेतल्या जातील. त्यानंतर लगेच १२ जानेवारी ते २२ जानेवारी या कालावधीत पहिल्या सत्राच्या परीक्षा घेतल्या जातील. तर २२ ते २६ जानेवारी या कालावधीत सुट्ट्या देण्यात येतील.
बी.ई./बी.टे, एम.ई./एम.टेक, बी. आर्च, एम. आर्च. अभ्यासक्रमाचे दुसरे सत्र २७ जानेवारीपासून ते २८ मे पर्यंत असेल. १ जून ते २१ जून या कालावधीत परीक्षा घेतल्या जाणार आहे. त्यानंतर उन्हाळी सुट्ट्या देण्यात येतील. अपवादात्मक परिस्थितीत महाविद्यालयाच्या प्रमुखांना अतिरिक्त सुट्ट्या द्याव्या लागल्या तर ते घेऊ शकतात. तसेच सुट्टीच्या दिवशी महाविद्यालय सुरू ठेवून त्याची भरपाई करू शकतात, असे विद्यापीठाकडून प्रसिद्ध करण्यात आलेल्या वार्षिक परिपत्रकात म्हटले आहे.
