आठ वर्षीय चिमुकलीवर ट्युशन टिचरच्या भावाकडून लैंगिक अत्याचार

एज्युवार्ता न्यूज नेटवर्क 

बदलापूर घटनेपासून शाळेतील विद्यार्थ्यांवर होणाऱ्या लैंगिक अत्याचाराच्या घटना सातत्याने समोर येत आहेत. त्यामुळे महाराष्ट्राने गुन्हेगारीचा कळस गाठल्याचे दिसून येत आहे. कारण डोंबिवलीत (Dombivli Crime) तळपायाची आग मस्तकाला जाईल अशी, संतापजनक घटना घडली आहे. एका आठ वर्षीय चिमुकल्या शाळकरी मुलीवर (Eight-year-old schoolgirl raped) ट्यूशन टिचरच्या भावानेच लैंगिक अत्याचार केल्याचा प्रकार समोर आली आहे.  घरातील बेडरूममध्ये डांबून या चिमुकलीवर नराधमाने अत्याचार केल्याची घटना पीडित विद्यार्थिनीने नातेवाईकांना सांगितल्याने सर्व प्रकार उघडकीस आला आहे.

याप्रकरणी पीडित मुलीच्या कुटुंबियांनी डोंबिवली मानपाडा पोलीस ठाण्यात दिलेल्या तक्रारीवरुन गुन्हा दाखल करण्यात आला आहे. पोलिसांनी घटनेचे गांभीर्य लक्षात घेत पोलिसांनी आरोपीला तात्काळ बेड्या ठोकल्या आहेत. वैभव जितेंद्र सिंग असे अटक करण्यात आलेल्या आरोपीचे नाव आहे. 

मिळालेल्या माहितीनुसार,पीडित मुलगी आपल्या कुटुंबियांसह डोंबिवली येथे राहते. आरोपी वैभव सिंग याची बहीण ट्युशन टीचर असल्यामुळे परिसरातील विद्यार्थी तिच्या घरी ट्युशन घेण्यासाठी येत असतात. रात्री आठ वाजता पीडीत मुलगी आरोपीच्या घरी ट्युशनसाठी गेली होती. त्यावेळी घरात ट्युशन टीचर नव्हती. तेव्हा आरोपी वैभव याने पिडीत मुलीचा हात पकडून तिला बेडरूममध्ये घेवून गेला आणि बेडरूमच्या दरवाजाची कड़ी आतून लावून पिडीत मुलीसोबत जबरदस्तीने अत्याचार केला. 

घटनेनंतर पीडित मुलगी आपल्या घरी गेली आणि घडलेल्या घटने बद्दल कुटुंबियांना सांगितले. पीडित मुलीच्या कुटुंबियांनी मानपाडा पोलीस ठाण्यात जाऊन आरोपी वैभव सिंग विरुद्ध गुन्हा दाखल केला, त्यानंतर पोलिसांनी ताबडतोड आरोपीला अटक करून तपास सुरू केला आहे.