शिक्षण संस्थांना भरावा लागणार रॅगिंग विरोधी ऑनलाइन अहवाल 

एज्युवार्ता न्यूज नेटवर्क 

उच्च शिक्षण संस्थांना आता ऑनलाइन रॅगिंग विरोधी अहवाल (Anti-ragging report) भरावा लागणार आहे. विद्यापीठ अनुदान आयोग (UGC) आणि इतर नियामक संस्थांनी या संदर्भात सूचना जारी केल्या आहेत. या अहवालात, संस्थांना त्यांच्या कॅम्पसमध्ये रॅगिंगविरोधी उपाययोजना, समित्या आणि तक्रार निवारण प्रणाली (Grievance Redressal System) कशा कार्यरत आहेत, याची माहिती द्यावी लागेल. सर्व उच्च शिक्षण संस्थांनी यूजीसीच्या रॅगिंग विरोधी (Online Ragging Report) सल्ल्याचे काटेकोर पालन करावे आणि http://antiragging.in या संकेतस्थळावर अनुपालन अहवाल भरावा, असे युजीसीने म्हटले आहे. 

MPSC भरती प्रक्रियेला मिळणार गती; नवी टिम तयार, तीन सदस्यांची नियुक्ती

UGC ने सर्व उच्च शिक्षण संस्थांना रॅगिंगविरोधी नियमांचे पालन करण्याचे निर्देश दिले आहेत. या नियमांनुसार, संस्थांना त्यांच्या रॅगिंगविरोधी कार्यांचा ऑनलाइन अहवाल सादर करावा लागेल. या ऑनलाइन अहवालामुळे रॅगिंगच्या घटनांवर नियंत्रण ठेवण्यास आणि विद्यार्थ्यांना सुरक्षित वातावरण उपलब्ध करून देण्यास मदत होईल, असे सांगण्यात आहे. 

अहवालात काय असेल?

रॅगिंगविरोधी समिती आणि पथकांची माहिती भरावी लागणार आहे. संस्थेत सीसीटीव्ही कॅमेऱ्यांची उपलब्धता किती प्रमाणात आहे. महाविद्यालय परिसर आणि परिसरातील विद्यार्थी सीसीटीव्हीच्या नियंत्रण कक्षेत आहेत का? याची माहिती भरावी लागणार आहे. संस्थांमध्ये रॅगिंगविरोधी कार्यशाळा आणि जनजागृती कार्यक्रमांचे आयोजन केले जातात. विद्यार्थ्यांच्या तक्रारींचे निवारण करण्यासाठी केलेल्या कार्यवाहीची माहिती देखील संस्थांना भरावी लागणार आहे.