मुंबई विद्यापीठ : पदवी, पदव्युत्तर दूरस्थ अभ्यासक्रमाला मुदतवाढ
नोकरी अथवा अन्य कारणांमुळे उच्च शिक्षण पूर्ण करू न शकलेल्या विद्यार्थ्यांसाठी दूरस्थ व ऑनलाइन माध्यमातून शिक्षण पूर्ण करण्याची संधी असते. दरवर्षी या माध्यमातून मोठ्या संख्येने विद्यार्थी प्रवेश घेतात. यंदाही या अभ्यासक्रमांची प्रवेश प्रक्रिया विद्यापीठाने सुरू केली असून पदवी आणि पदव्युत्तर अभ्यासक्रमांना प्रवेशासाठी किमान पात्रताधारकांना थेट प्रवेशाची संधी आहे.
eduvarta@gmail.com 
एज्युवार्ता न्यूज नेटवर्क
मुंबई विद्यापीठामार्फत (Mumbai University) राबवण्यात येणाऱ्या दूरस्थ व ऑनलाईन शिक्षण केंद्राच्या (Online Learning Center) पदवी पदव्युत्तर अभ्यासक्रमाच्या (Degree/Postgraduate Courses) अर्ज नोंदणीसाठी मुदतवाढ (Extension of deadline for application registration) देण्यात आली आहे. त्यामुळे आता या अभ्यासक्रमासाठी इच्छुक असलेल्या उमेदवारांना ३० सप्टेंबरपर्यंत प्रवेशासाठी अर्ज करता येणार आहे. या पदवी, पदव्युत्तर अभ्यासक्रमासाठी आतापर्यंत जवळपास ११ हजार विद्यार्थ्यांनी अर्ज नोंदणी केली आहे. मात्र, मागील वर्षाच्या तुलनेत ही संख्या अत्यल्प असल्याने विद्यापीठ प्रशासनाने मुदतवाढ देण्याचा निर्णय घेतला आहे.
MIT विद्यापीठाची तब्बल अडीच कोटींची ऑनलाईन फसवणूक; पुणे विद्यापीठाच्या माजी कुलगुरूंच्या नावाचा वापर
नोकरी अथवा अन्य कारणांमुळे उच्च शिक्षण पूर्ण करू न शकलेल्या विद्यार्थ्यांसाठी दूरस्थ व ऑनलाइन माध्यमातून शिक्षण पूर्ण करण्याची संधी असते. दरवर्षी या माध्यमातून मोठ्या संख्येने विद्यार्थी प्रवेश घेतात. यंदाही या अभ्यासक्रमांची प्रवेश प्रक्रिया विद्यापीठाने सुरू केली असून पदवी आणि पदव्युत्तर अभ्यासक्रमांना प्रवेशासाठी किमान पात्रताधारकांना थेट प्रवेशाची संधी आहे. पात्र विद्यार्थ्यांना विद्यापीठाच्या संकेतस्थळावरून अर्ज करता येणार आहे.
पदवी अभ्यासक्रमासाठी उपलब्ध असलेले विषय -
बीए (इतिहास, राज्यशास्त्र, समाजशास्त्र, अर्थशास्त्र, भूगोल, ग्रामीण विकास, मराठी, हिंदी, आणि इंग्रजी) या विषयांचा समावेश आहे. बीकॉम (कॉमर्स, अकाऊटंसी आणि बिझनेस मॅनेजमेंट), बीकॉम (अकाऊंट अँड फायनान्स), बीएससी (माहिती तंत्रज्ञान), बीएससी (संगणकशास्त्र) या अभ्यासक्रमांचा समावेश आहे.
पदव्युत्तर पदवी अभ्यासक्रमासाठी उपलब्ध असलेले विषय -
एम.ए. (इतिहास, समाजशास्त्र, अर्थशास्त्र, राज्यशास्त्र, मराठी, हिंदी, इंग्रजी, भूगोल, शिक्षणशास्त्र, संज्ञापन आणि पत्रकारिता, जनसंपर्क); एम. कॉम. (अॅडव्हान्स अकाउंटन्सी), एम. कॉम. (बिझनेस मॅनेजमेंट), एम.एससी (गणित), एम.एससी (माहिती तंत्रज्ञान), एम.एससी (संगणकशास्त्र) एमएमएस, एमसीए या अभ्यासक्रमांचा समावेश आहे.
