शाळकरी मुलांच्या दप्तरात कंडोम, चाकू, फायटर आणि बरेच काही, शिक्षकही चक्रावले..
नाशिक जिल्ह्यातील इगतपूरीतून धक्कादायक बातमी समोर आली आहे. आठवी, नववी आणि दहावीच्या वर्गात शिक्षण घेत असलेल्या काही विद्यार्थ्यांच्या दप्तरात कंडोम, पत्त्याचे कॅट, फायटर, चाकू, सायकलची चेन यासारख्या अनावश्यक वस्तू आढळल्याने एकच खळबळ उडाली आहे.
eduvarta@gmail.com 
एज्युवार्ता न्यूज नेटवर्क
नाशिक जिल्ह्यातील (Nashik District Education News) इगतपूरीतून धक्कादायक बातमी समोर आली आहे. आठवी, नववी आणि दहावीच्या वर्गात (Students of 8th, 9th and 10th) शिक्षण घेत असलेल्या काही विद्यार्थ्यांच्या दप्तरात कंडोम, पत्त्याचे कॅट, फायटर, चाकू, सायकलची चेन (Condoms, playing cards, a fighter, a knife, a bicycle chain in the school bag) यासारख्या अनावश्यक वस्तू आढळल्याने एकच खळबळ उडाली आहे. इगदपूरी तालूक्यातील घोटी येथील खाजगी शाळेत (Private schools in Ghoti) हा सर्व प्रकार घडला आहे. हा सर्व प्रकार पाहून शिक्षकही काही वेळासाठी चक्रावून गेल्याचे पाहायला मिळाले.
इगतपुरी तालुक्यातील घोटी येथील खाजगी शाळेत याआधी चित्र विचित्र हेअरस्टाईल करणाऱ्या विद्यार्थ्यांना शिक्षकांकडून दणका देण्यात आला होता. हेअरस्टाईल करून हिरोगीरी करणाऱ्या विद्यार्थ्यांचे केस शाळेतच कापण्यात आले होते. यानंतर शिक्षकांनी अचानक काही संशयीत विद्यार्थ्यांचे दप्तर तपासण्याचा निर्णय घेतला. मात्र, शिक्षकांनी विद्यार्थ्यांचे दप्तर तपासताना असे काय पाहीले की शिक्षकच चक्रावून गेले.
आठवी ते दहावी दहावीच्या वर्गात शिक्षण घेत असलेल्या विद्यार्थ्यांच्या दप्तरात फायटर, चाकू ,पत्त्याचे कॅट, कंडोम आणि सायकलची चेन आढळून आल्यानंतर शिक्षकांनी संबंधित विद्यार्थ्यांना पालकांना शाळेत बोलावून घेतले आणि विद्यार्थ्यांना समज दिला. शिक्षकांनी अचानक विद्यार्थ्यांचे दप्तर तपासल्याने हे वास्तव समोर आले आहे. मात्र, विद्यार्थ्यांच्या दप्तरात पुस्तकांऐवजी अशा वस्तू का ? आणि कशासाठी आल्या हा प्रश्न कायमच राहिला. शिक्षकांच्या जागरूकतेमुळे हा प्रकार उघडकीस आला असला तरी विद्यार्थ्यांच्या दप्तरात अशा स्वरुपाच्या वस्तू आढळणे ही चिंतेची बाब आहे.
