पोलीस भरतीची तयारी करणाऱ्या उमेदवारांना लाथा-बुक्क्यांनी मारहाण, मुलींचा विनयभंग
पुण्यातील तळजाई टेकडी परिसरात पोलीस भरतीचा सराव करण्यासाठी रोज शेकडो तरुण-तरुणी तिथे येत असतात. विद्यार्थी नेहमीप्रमाणे पोलीस भरतीचा सराव करत असताना १० ते १२ जणांच्या एका टोळक्याने त्यांना अडवले आणि मारहाण केली. यात मुलींचाही समावेश होता. या मारहाणीच्या वेळी, “तुमची लायकी नाही पोलीस होण्याची” अशा अपमानास्पद शब्दांत मुलींना हिणवण्यात आले.
eduvarta@gmail.com 
एज्युवार्ता न्यूज नेटवर्क
पुण्यात पोलीस भरतीची तयारी (Police recruitment preparation) करणाऱ्या उमेदवारांना लाथा बुक्क्यांनी तुडवत मारहाण केल्याचा व्हिडिओ सध्या सोशल मिडियावर व्हायरल (Viral video on social Media) होत आहे. तसेच महिला उमेदवारांच्या शरीर यष्टीवरून अश्लील कमेंट्स करण्यात आल्या, असा आरोप करण्यात आला आहे. त्यामुळे मारहाण करणाऱ्या तरुणांवर विनयभंगाचा गुन्हा (Crime of molestation) दाखल करण्याची मागणी करण्यात येत आहे.
पवित्र पोर्टल बंद होणार ? शिक्षण राज्यमंत्र्यांनी स्पष्टच सांगितलं..
मिळालेल्या माहितीनुसार, पुण्यातील तळजाई टेकडी परिसरात पोलीस भरतीचा सराव करण्यासाठी रोज शेकडो तरुण-तरुणी तिथे येत असतात. विद्यार्थी नेहमीप्रमाणे पोलीस भरतीचा सराव करत असताना १० ते १२ जणांच्या एका टोळक्याने त्यांना अडवले आणि मारहाण केली. यात मुलींचाही समावेश होता. या मारहाणीच्या वेळी, “तुमची लायकी नाही पोलीस होण्याची” अशा अपमानास्पद शब्दांत मुलींना हिणवण्यात आले. तर काही जणांनी मुलींची छेड काढली आणि त्यांच्या शरीरावरून कमेंट्स केल्याचा आरोप करण्यात आला आहे.
View this post on Instagram
या घटनेनंतर संबंधित विद्यार्थी आणि त्यांचे मार्गदर्शक शिक्षक थेट सहकारनगर पोलीस ठाण्यात पोहोचले. त्यांनी घडलेल्या प्रकाराची सविस्तर माहिती देत, संबंधित टोळक्याविरोधात कठोर कारवाई करण्याची मागणी करण्यात आली. छेड काढणारे तरुण स्थानिक असल्याने त्यांच्याविरोधात गुन्हा दाखल करून घेतला जात नसल्याचा आरोप विद्यार्थ्यांनी केला, त्यामुळे त्यांनी पोलीस स्टेशनसमोरच ठिय्या आंदोलन केले, नंतर गुन्हा दाखल करण्यात आला.
