अल्पवयीन मुलांचा हातात कोयता घेऊन भरदिवसा धिंगाणा, शाळकरी मुलांना शिवीगाळ करत धमकावले

एज्युवार्ता न्यूज नेटवर्क

छत्रपती संभाजीनगर शहरातील (Sambhaji Nagar crime news) रामनगर परिसरात दोन अल्पवयीन मुलांनी हातात कोयते घेऊन धिंगाणा (choolchildren creating a ruckus with sickles in their hands) घातल्याची धक्कादायक घटना समोर आली आहे. 'आम्ही डॉन आहोत डॉन' असे ओरडत या मुलांनी भरदिवसा महिला आणि शाळकरी मुलांना शिवीगाळ (School students were threatened) करत धमकावले. या घटनेमुळे परिसरात दहशतीचे वातावरण (An atmosphere of terror prevails in the area) पसरले असून वाढत्या गुन्हेगारीवर प्रश्नचिन्ह उपस्थित झाले आहे.

मिळालेल्या माहितीनुसार, बुधवारी दुपारी १ वाजेच्या सुमारास १७ व १६ वर्षीय दोन अल्पवयीन मुले रामनगरमधील एका किराणा दुकानाजवळ उभी होती. यावेळी त्यांनी रस्त्यावरून जाणाऱ्या महिला आणि विद्यार्थ्यांसमोर शाळेतील बॅगेतून धारदार कोयता बाहेर काढला. जेव्हा एका नागरिकाने या कृत्याचे चित्रीकरण करण्याचा प्रयत्न केला, तेव्हा 'काय व्हिडिओ काढता रे, आम्ही डॉन आहोत' असे म्हणत त्यांनी धमकी दिली आणि कोयता दप्तरात लपवून पळ काढला. मात्र, काही वेळ या परिसरात दहशतीचे वातावरण पाहायला मिळाले. 

स्थानिक नगरसेवक मनोज गांगवे यांनी या प्रकाराची माहिती मुकुंदवाडी पोलीस ठाण्याचे पोलीस निरीक्षक सचिन इंगळे यांना दिली. पोलिसांनी तातडीने कारवाई करत गुरुवारी दोन्ही अल्पवयीन मुलांना ताब्यात घेतले. विशेष म्हणजे, यातील दोघेही नामांकित इंग्रजी माध्यमाच्या शाळेचे विद्यार्थी आहेत. दप्तरात कोयता लपवून फिरणाऱ्या या मुलांच्या कृत्याने पालकांमध्ये भीतीचे वातावरण आहे.