SPPU मध्ये UPSC–MPSC चे मोफत प्रशिक्षण वर्ग; प्रवेश परीक्षेची तारीख जाहीर
प्रशिक्षण कार्यक्रम विद्यापीठ अनुदान आयोग (UGC) अंतर्गत राबविण्यात येत असून गुणवंत व गरजू विद्यार्थ्यांना स्पर्धा परीक्षेसाठी मार्गदर्शन मिळणार आहे.परीक्षेसाठी अर्ज केलेल्या उमेदवारांनी आपले प्रवेशपत्र (हॉल तिकीट) दिनांक १७ फेब्रुवारी २०२६ पासून विद्यापीठाच्या http://campus.unipune.ac.in/ccep/login.aspx या संकेतस्थळावरून डाउनलोड करावे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या स्पर्धा परीक्षा केंद्रातर्फे (CEC) शैक्षणिक वर्ष २०२५–२६ साठी मोफत UPSC–MPSC प्रशिक्षण कार्यक्रमाच्या प्रवेश परीक्षेची तारीख जाहीर करण्यात आली आहे. ही प्रवेश परीक्षा येत्या रविवारी २२ फेब्रुवारी २०२६ रोजी घेण्यात येणार असून परीक्षा फक्त पुणे शहरात आयोजित करण्यात येणार आहे. हा प्रशिक्षण कार्यक्रम विद्यापीठ अनुदान आयोग (UGC) अंतर्गत राबविण्यात येत असून गुणवंत व गरजू विद्यार्थ्यांना स्पर्धा परीक्षेसाठी मार्गदर्शन मिळणार आहे.परीक्षेसाठी अर्ज केलेल्या उमेदवारांनी आपले प्रवेशपत्र (हॉल तिकीट) दिनांक १७ फेब्रुवारी २०२६ पासून विद्यापीठाच्या https://campus.unipune.ac.in/ccep/login.aspx या संकेतस्थळावरून डाउनलोड करावे.
परीक्षेचे ठिकाण व वेळ याबाबतची संपूर्ण माहिती प्रवेशपत्रावर नमूद करण्यात येणार आहे. पुणे शहराबाहेरील उमेदवारांनी वाहतूक व इतर अडचणी लक्षात घेता परीक्षेच्या एक दिवस आधी पुण्यात येण्याचे आवाहन करण्यात आले आहे.प्रवेशपत्र डाउनलोड करताना कोणतीही अडचण आल्यास उमेदवारांनी कार्यालयीन वेळेत cspsupport@pun.unipune.ac.in या ई-मेलवर संपर्क साधावा, असे आवाहन स्पर्धा परीक्षा केंद्राच्या वतीने करण्यात आले आहे.
