यूपीएससी, एमपीएससीसाठी उमेदवारांना बार्टीकडून ५० हजारांपर्यंत अर्थसाहाय्य
या योजनेचा उद्देश अनुसूचित जातीतील होतकरू विद्यार्थ्यांना केंद्रीय व राज्यसेवा परीक्षांसाठी आवश्यक प्रशिक्षण व तयारीसाठी प्रोत्साहन देणे हा आहे. महाराष्ट्र लोकसेवा आयोगाच्या (एमपीएससी) अराजपत्रित गट-ब पूर्व 'बार्टी' परीक्षा २०२४ उत्तीर्ण झालेल्या उमेदवारांना मुख्य परीक्षेच्या तयारीसाठी हे अर्थसाह्य केले जाणार आहे.
eduvarta@gmail.com 
एज्युवार्ता न्यूज नेटवर्क
यूपीएससी आणि एमपीएससी परीक्षेची (UPSC and MPSC Exams) तयारी करणाऱ्या राज्यातील अनुसूचित जातीतील विद्यार्थ्यांसाठी (Scheduled Caste students) डॉ. बाबासाहेब आंबेडकर संशोधन व प्रशिक्षण संस्था (बार्टी) कडून विशेष अर्थसाह्य योजना जाहीर (Financial assistance scheme announced) करण्यात आली आहे. या योजनेद्वारे २०२४-२०२५ मध्ये विविध स्पर्धा परीक्षांसाठी पात्र ठरलेल्या युपीएससी उमेदवारांना ५० हजार तर एमपीएससी उमेदवारांना १० हजार रुपये एकरकमी आर्थिक साहाय्य (Lump sum financial assistance) दिले जाणार आहे.
या योजनेचा उद्देश अनुसूचित जातीतील होतकरू विद्यार्थ्यांना केंद्रीय व राज्यसेवा परीक्षांसाठी आवश्यक प्रशिक्षण व तयारीसाठी प्रोत्साहन देणे हा आहे. महाराष्ट्र लोकसेवा आयोगाच्या (एमपीएससी) अराजपत्रित गट-ब पूर्व 'बार्टी' परीक्षा २०२४ उत्तीर्ण झालेल्या उमेदवारांना मुख्य परीक्षेच्या तयारीसाठी हे अर्थसाह्य केले जाणार आहे.
या योजनेसाठी अर्ज करण्याची अंतिम तारीख ३० जून असून, उमेदवारांनी https://forms.gle/cfVdgUT36be 2z3H.J9 या लिंकवर अर्ज भरावा. तसेच जाहिरातीसह दिलेला अर्ज भरून ४ जुलै रोजी सायंकाळी ५ वाजेपर्यंत टपालाद्वारे बार्टी पुणे कार्यालयात पाठवणे बंधनकार आहे. युपीएससी नागरी सेवा मुख्य परीक्षा २०२५ साठी पात्र ठरलेल्या अनुसूचित जातीतील उमेदवारांना ५० हजार रुपयांचे अर्थसाहाय्य मिळणार आहे. अर्जाची प्रत बार्टीच्या वेबसाइटवरुन डाउनलोड करुन आवश्यक कागदपत्रांसह upscbartischeme@barti.in या ई-मेलवर पाठवावी लागेल.
