ICSI CS एक्झिक्युटिव्ह आणि प्रोफेशनल परीक्षेचा निकाल 'या' दिवशी लागणार

एज्युवार्ता न्युज नेटवर्क 

ICSI CS एक्झिक्युटिव्ह आणि प्रोफेशनल जून 2024 च्या परीक्षेत बसलेल्या विद्यार्थ्यांसाठी मोठी बातमी आहे. इन्स्टिट्यूट ऑफ कंपनी सेक्रेटरीज ऑफ इंडियाने (ICSI) कंपनी सेक्रेटरी प्रोफेशनल (Company Secretary Professional) आणि एक्झिक्युटिव्ह प्रोग्राम (Executive Program) परीक्षेच्या निकालाच्या (Exam Result) तारखांची घोषणा कली आहे. दोन्ही परीक्षांचे निकाल रविवारी 25 ऑगस्ट रोजी घोषित केले जाणार आहेत. 

संस्थेच्या अधिसूचनेनुसार, सीएस प्रोफेशनल (CS Professional) परीक्षेचा निकाल सकाळी 11 वाजता घोषित केला जाईल. आणि सीएस एक्झिक्युटिव्ह (CS Executive) जून सत्राच्या परीक्षेचा निकाल दुपारी 2 वाजता घोषित करण्यात येईल.

दोन्ही परीक्षेच्या निकालांतर्गत, ICSI विद्यार्थ्यांच्या उत्तीर्ण किंवा अनुत्तीर्ण स्थितीसह विषयवार गुण जारी करेल. icsi.edu या संस्थेच्या अधिकृत वेबसाइटवर सक्रिय केलेल्या लिंकद्वारे विद्यार्थी त्यांचे गुणपत्रक डाउनलोड करू शकतील. तसेच ICSI विद्यार्थ्यांना 30 दिवसांच्या आत त्यांची गुणपत्रिका त्यांच्या नोंदणीकृत पत्त्यावर पाठवणार आहे. 

तसेच  ICSI ने सेक्रेटरी प्रोफेशनल/एक्झिक्युटिव्ह प्रोग्रामच्या नोंदणीकृत विद्यार्थ्यांसाठी डिसेंबर 2024 मध्ये घेण्यात येणाऱ्या परीक्षांच्या तारखाही जाहीर केल्या आहेत. संस्थेच्या अधिसूचनेनुसार दोन्ही सत्रांच्या परीक्षा २१ ते ३० डिसेंबर या कालावधीत घेण्यात येणार आहेत. या परीक्षांना बसण्यासाठी विद्यार्थ्यांना सोमवार, २६ ऑगस्टपासून ऑनलाइन परीक्षेचा फॉर्म भरता येणार आहे.