CET Cell : बीबीए, बीसीए निकाल जाहीर, गुणपत्रिका संकेतस्थळावर
गेल्या वर्षीपासून बीसीए, बीबीए या अभ्यासक्रमांच्या प्रवेशासाठी सीईटी परीक्षेचे आयोजन केले जाते आहे. या वर्षीदेखील नियोजित वेळापत्रकानुसार यापूर्वी सीईटी परीक्षा घेण्यात आली होती. परंतु यासंदर्भात माहिती अभावी अनेक विद्यार्थ्यांना सीईटी देता आली नव्हती, अशी तक्रार करताना अतिरिक्त संधीची मागणी केली होती. यासंदर्भात सीईटी सेल, राज्य शासनाकडे पालक, विद्यार्थ्यांचा पाठपुरावा केला होता.
eduvarta@gmail.com 
एज्युवार्ता न्यूज नेटवर्क
बारावीनंतर बीसीए, बीबीए, बीएमएस आणि बीबीएम या अभ्यासक्रमांच्या (BCA, BBA, BMS and BBM courses) प्रवेशासाठी अतिरिक्त सीईटी घेतली होती. जुलैमध्ये पार पडलेल्या या सीईटी परीक्षेचा निकाल आता जाहीर (CET exam results announced) करण्यात आला आहे. तसेच विद्यार्थ्यांना संकेतस्थळावर त्यांच्या गुणपत्रिका उपलब्ध (Marksheet available) करून देण्यात आल्या आहेत.
गेल्या वर्षीपासून बीसीए, बीबीए या अभ्यासक्रमांच्या प्रवेशासाठी सीईटी परीक्षेचे आयोजन केले जाते आहे. या वर्षीदेखील नियोजित वेळापत्रकानुसार यापूर्वी सीईटी परीक्षा घेण्यात आली होती. परंतु यासंदर्भात माहिती अभावी अनेक विद्यार्थ्यांना सीईटी देता आली नव्हती, अशी तक्रार करताना अतिरिक्त संधीची मागणी केली होती. यासंदर्भात सीईटी सेल, राज्य शासनाकडे पालक, विद्यार्थ्यांचा पाठपुरावा केला होता.
यंदा पाचवी ,आठवी बरोबर चौथी, सातवीची देखील शिष्यवृत्ती परीक्षा होणार; शिक्षणमंत्र्यांची घोषणा
त्यानंतर सीईटी सेलने अतिरिक्त सीईटी घेण्याचे जाहीर केले. त्यानुसार जुलै महिन्यात सीईटी परीक्षा घेतली. पुढील प्रक्रिया पार पाडताना सीईटी सेलने ऑनलाइन पद्धतीने परीक्षेचा निकाल जाहीर केला आहे. यापूर्वी सीईटी दिलेल्या विद्यार्थ्यांनी पुन्हा दुसऱ्यांदा सीईटी दिली असेल, तर सर्वोत्तम कामगिरी असलेल्या परीक्षेतील गुण ग्राह्य धरले जाणार आहे.
अतिरिक्त सीईटी परीक्षेच्या प्रक्रियेमुळे प्रवेश वेळापत्रक जाहीर होऊ शकले नव्हते. आता सीईटी परीक्षेचा निकाल जाहीर झाल्यानंतर विद्यार्थ्यांना आता प्रवेश वेळापत्रकाची प्रतीक्षा लागून राहाणार आहे. आधीच विलंब झाला असल्याने पुढील प्रक्रिया जलदगतीने पूर्ण करत वर्ग भरविण्यात यावेत, अशी अपेक्षा पालकांनी व्यक्त केली आहे.
