प्रश्नमंजुषा स्पर्धेतून संविधानाचा जागर; प्रियदर्शनी स्कूलचा स्तुत उपक्रम
या स्पर्धेत शिवाजीनगर येथील प्रियदर्शनी स्कूल विजेती ठरली. हा उपक्रम विद्यार्थ्यांसाठी शैक्षणिकदृष्ट्या अत्यंत समृद्ध ठरला. तसेच संविधानाबद्दल आदर आणि त्याचे पालन करण्याची प्रेरणा देणारा ठरला.
eduvarta@gmail.com 
एज्युवार्ता न्यूज नेटवर्क
मोशी येथील प्रियदर्शनी स्कूलच्या (Priyadarshini School) वतीने संविधान दिनानिमित्त आकर्षक संविधान प्रश्नमंजुषा स्पर्धा (Constitution Quiz Competition)आयोजित करण्यात आली. प्रियदर्शनी ग्रुप ऑफ स्कूलच्या (Priyadarshini Group of Schools)एकूण ९ शाळांनी या स्पर्धेत सहभाग घेतला. इयत्ता ५ ते १० च्या विद्यार्थ्यांनी उत्साहपूर्वक सहभागी होऊन भारतीय संविधान, मूलभूत अधिकार, कर्तव्ये आणि आपल्या लोकशाही संरचनेविषयीचे ज्ञान या स्पर्धेच्या माध्यमातून प्रदर्शित केले.
या प्रश्नमंजुषेमुळे विद्यार्थ्यांमध्ये संविधानिक मूल्ये, नागरिकत्व आणि लोकशाही जबाबदाऱ्या यांविषयी जागरूकता निर्माण झाली. या स्पर्धेत शिवाजीनगर येथील प्रियदर्शनी स्कूल विजेती ठरली. हा उपक्रम विद्यार्थ्यांसाठी शैक्षणिकदृष्ट्या अत्यंत समृद्ध ठरला. तसेच संविधानाबद्दल आदर आणि त्याचे पालन करण्याची प्रेरणा देणारा ठरला. कार्यक्रमाच्या प्रमुख पाहुण्या सुप्रीम कोर्ट प्रॅक्टिशनर अॅडवोकेट गीताांजली कदाते होत्या. त्यांनी विद्यार्थ्यांना भारतीय संविधान आणि विविध कायद्यांबाबत मार्गदर्शन केले.
विद्यार्थ्यांना स्वत:ला सिध्द करण्यासाठी व्यासपीठ मिळावे.तसेच स्पर्धेच्या माध्यमातून त्यांच्या ज्ञानात भर पडावी, या उद्देशाने शाळेतर्फे अशा स्पर्धेचे आयोजन केले जाते.त्यास विद्यार्थ्यांकडून भरभरून प्रतिसाद मिळतो.
