मुंबई महापालिकेत ६२० जागांच्या भरतीसाठी अर्ज प्रक्रिया सुरू 

एज्युवार्ता न्यूज नेटवर्क 

नोकरीच्या शोधात असलेल्या तरुणांसाठी महत्त्वाची बातमी समोर आली आहे. नवी मुंबई महानगरपालिकेच्या (Navi Mumbai Municipal Corporation Recruitment) आस्थापनेवरील गट -क व गट -ड मधील विविध संवर्गातील ६२० रिक्त पदे (620 posts in Group-C and Group-D cadres) सरळसेवा भरती प्रक्रियेद्वारे भरण्यासाठी जाहिरात प्रसिद्ध (Advertisement published) करण्यात आली आहे. जाहिरातीमध्ये दिलेल्या माहितीनुसार, अर्ज प्रक्रिया ऑनलाईन पद्धतीने राबवली जाणार आहे. त्यानुसार इच्छुक आणि पात्र उमेदवार नवी मुंबई महापालिकेचे अधिकृत संकेतस्थळ www.nmmc.gov.in वर जाऊन अर्ज भरू शकतात. अर्ज प्रक्रिया आज शुक्रवार २८ मार्च पासून सुरू करण्यात आली असून त्यासाठी ११ मे ही अंतिम मुदत (May 11th deadline) देण्यासाठी आली आहे.  

या भरती मोहिमेअंतर्गत क संवर्गातील बायोमेडिकल इंजिनियर,  कनिष्ठ अभियंता (स्थापत्य),  कनिष्ठ अभियंता (बायोमेडिकल इंजिनियरींग), उद्यान अधिक्षक, सहाय्यक माहिती व जनसंपर्क अधिकारी,  वैद्यकीय समाजसेवक,  डेंटल हायजिनिस्ट, स्टाफ नर्स/नर्स मिडवाईफ,  डायलिसिस तंत्रज्ञ, सांख्यिकी सहाय्यक,  इसीजी तंत्रज्ञ,  सी.एस.एस.डी. तंत्रज्ञ,  आहार तंत्रज्ञ,  नेत्र चिकित्सा सहाय्यक,  औषध निर्माता/औषध निर्माण अधिकारी,  आरोग्य सहाय्यक,  बायोमेडिकल इंजिनियर सहाय्यक,  पशुधन पर्यवेक्षक,  ऑक्झिलरी नर्स मिडवाईफ,  बहुउद्देशीय आरोग्य कर्मचारी,  शस्त्रक्रियागृह सहाय्यक,  सहाय्यक ग्रंथपाल,  वायरमन,  ध्वनी चालक,  उद्यान सहाय्यक,  लिपीक-टंकलेखक, लेखा लिपिक ही पदे भरती जाणार आहेत तर ड संवर्गातील शवविच्छेदन मदतनीस,  कक्षसेविका, कक्षसेवक ही पदे भरती जाणार आहेत.  

भरती बाबतचा तपशील व ऑनलाईन अर्ज करण्यासाठी नवी मुंबई महानगरपालिकेच्या संकेतस्थळाला भेट द्यावी. तसेच संवर्गनिहाय भरावयाची पदे, पदांचा तपशील, वेतनश्रेणी, वयोमर्यादा/वयोमर्यादा शिथिलता, निवड पद्धत, सर्व साधारण सूचना, अटी व शर्ती, शैक्षणिक अर्हता, सामाजिक व समांतर आरक्षण तसेच आरक्षणाबाबत तरतूदी, पदनिहाय ऑनलाईन परीक्षेचा अभ्यासक्रम, परीक्षा शुल्क, अर्ज भरणेबाबत मार्गदर्शक सूचना इत्यादी बाबतचा तपशील www.nmmc.gov.in या संकेतस्थळावर उपलब्ध आहे.