रेल्वेत नोकरीची मोठी संधी! 2 हजार 865 जागांसाठी अर्ज प्रक्रिया सुरू

एज्युवार्ता न्यूज नेटवर्क

रेल्वेमध्ये नोकरीची संधी शोधणाऱ्या तरुणांसाठी पश्चिम रेल्वेकडून मोठी भरती (Indian Railway Recruitment) जाहीर करण्यात आली आहे. रेल्वे भरती कक्षाने अप्रेंटिसशिप अंतर्गत एकूण 2 हजार 865 पदांसाठी (Total 2 thousand 865 apprenticeship positions) अर्ज मागवले आहेत. यासाठी अधिसूचना प्रसिद्ध झाली असून अर्ज प्रक्रिया 30 ऑगस्ट 2025 पासून सुरू होणार आहे. उमेदवारांना अर्ज करण्यासाठी 29 सप्टेंबर 2025 पर्यंतची मुदत (Deadline September 29) देण्यात आली आहे.

मुंबई विद्यापीठ! कल्याण केंद्रातील अभ्यासक्रमांची प्रवेश प्रक्रिया सुरू

या भरतीत सामान्य प्रवर्गासाठी 1 हजार 150, अनुसूचित जातीसाठी 433, अनुसूचित जमातीसाठी 215, इतर मागासवर्गीय प्रवर्गासाठी 778 तर आर्थिकदृष्ट्या दुर्बल घटकांसाठी 289 पदांचा समावेश आहे. उमेदवाराचे वय अर्जाच्या तारखेपर्यंत किमान 18 वर्षे आणि कमाल 24 वर्षे असणे आवश्यक आहे. सरकारच्या नियमांनुसार आरक्षित प्रवर्गांना वयोमयदित सवलत मिळणार आहे. अनुसूचित जाती-जमातींना 5 वर्षे, ओबीसींना 3 वर्षे आणि दिव्यांग उमेदवारांना 10 वर्षे सूट दिली जाणार आहे.

शैक्षणिक पात्रतेबाबत उमेदवाराने किमान 50 टक्के गुणांसह 10 वी व 12 वी उत्तीर्ण असणे आवश्यक आहे. त्यासोबत एनसीव्हीटी किंवा एससीव्हीटी मान्यताप्राप्त संस्थेकडून राष्ट्रीय व्यापार प्रमाणपत्र (आयटीआय) असणे बंधनकारक आहे. या भरतीसाठी कोणतीही लेखी परीक्षा होणार नसून निवड ही केवळ 10 वी आणि 12 वीमध्ये मिळालेल्या गुणांच्या आधारे होणार आहे. सामान्य, ओबीसी आणि ईडब्ल्यूएस उमेदवारांना अर्ज करण्यासाठ 100 रुपयांचा शुल्क भरावा लागेल. तर एससी/एसटी उमेदवारांना अर्ज शुल्कातून सूट देण्यात आली आहे.