'सारथी' मार्फत ५०० विद्यार्थ्यांना मिळणार कौशल्य विकासाचे प्रशिक्षण

एज्युवार्ता न्यूज नेटवर्क

मराठा, कुणबी, मराठा-कुणबी व कुणबी-मराठा (Maratha, Kunbi, Maratha-Kunbi and Kunbi-Maratha) समाजाच्या विद्यार्थ्यांसाठी (students) महत्वाची बातमी समोर आली आहे. छत्रपती शाहू महाराज संशोधन प्रशिक्षण व मानव विकास संस्थेने (सारथी) (SARATHI) या समाजाच्या विद्यार्थ्यांसाठी कौशल्य विकास सोयायटीच्या (Skill Development Society) माध्यमातून कौशल्य प्रशिक्षण (Skills training) देण्याची योजना आणली आहे. या प्रशिक्षणासाठी सारथीकडून कौशल्य विकास सोयायटीला काही रक्कम देखील देण्यात येणार आहे. त्यानुसार, इयत्ता ८ वी ते १० वी उत्तीर्ण विद्यार्थ्यांच्या १६ दिवसांच्या प्रशिक्षणासाठी १२ हजार ६१२ रुपये, ११ वी उत्तीर्ण विद्यार्थ्यांच्या १३ दिवसांच्या प्रशिक्षणासाठी ७ हजार ६४२ रुपये, तर १२ वी उत्तीर्ण विद्यार्थ्यांच्या ११ दिवसांच्या प्रशिक्षणासाठी ७ हजार ४८४ रुपये देण्यात येणार आहेत.

मार्च २०२४ मध्ये या प्रशिक्षणासाठी मुंबईतील ९ विविध संस्थांना वर्क ऑर्डरही देण्यात आली आहे. मराठा, कुणबी, मराठा-कुणबी व कुणबी-मराठा समाजाच्या विद्यार्थ्यांना, युवकांना योग्य प्रशिक्षण मिळून त्यांना रोजगार व स्वयंरोजगार मिळावा हा या योजनेचा मुख्य उद्देश आहे. यासाठी मुंबईत ५०० उमेदवारांचे लक्ष्य निर्धारित करण्यात आले आहे.

असे असतील उमेदवार पात्रतेचे निकष

वय १८ व कमाल ३५ वर्षे असावे. शैक्षणिक पात्रता ८ वी ते १२वी पास, आयटीआय, पदविका, पदवीधर, पदव्युत्तर असावी. उमेदवार महाराष्ट्राचा रहिवासी असावा. उमेदवार मराठा, कुणबी, मराठा-कुणबी व कुणबी-मराठा या प्रवर्गातील असावा. उमेदवाराचे आधार कार्ड बैंक खात्याशी संलग्न असावे.

महाराष्ट्र राज्य कौशल्य विकास सोसायटीकडे सूचिबद्ध प्रशिक्षण संस्थाद्वारे प्रशिक्षण राबविणे जिल्ह्यातील शासकीय आयटीआय, शासकीय तंत्रशाळा यांच्यामार्फत प्रशिक्षण राबविणे

दरम्यान, यासाठी उमेदवार महास्वयंम पोर्टलवर ऑनलाइन पद्धतीने किंवा संस्थेकडे प्रत्यक्ष भेट देऊन अर्ज करू शकतात.