मोकाट रेड्याचा शाळेच्या आवारात धुमाकूळ, १४ विद्यार्थ्यांना जखमी 

एज्युवार्ता न्यूज नेटवर्क 

छत्रपती संभाजीनगर (Chhatrapati Sambhaji News) येथील एका शाळेत मोकाट रेड्याने शाळेच्या आवारात धुमाकूळ घातल्याने तब्ब्ल १४ विद्यार्थ्यांनी जखमी (14 students injured) जखमी झाले आहेत. शहरातील नवखंडा परिसरातील माॅडेल हायस्कूल शाळेत या मदमस्त रेड्याने शिरकाव (Reda entered school) केला. शाळेच्या दिशेने धावत येणाऱ्या रेड्याला गेटवरील शिपायांनी रोखण्याचा प्रयत्न केला मात्र, उन्मत्त रेडा कोणालाही आवरला नाही. यावेळी शाळेत गोंधळाचे वातावरण पाहायला मिळाले.  

अवघ्या १ मिनिट १० सेकंदात घातलेल्या धुमाकूळीत १४ विद्यार्थी किरकोळ जखमी झाले आहेत. जखमी झालेल्या विद्यार्थ्यांना तत्काळ घाटी रुग्णालयात दाखल करण्यात आले. त्यातील १२ विद्यार्थ्यांवर प्राथमिक उपचार केल्यानंतर सोडून देण्यात आले. तर उर्वरित दोन विद्यार्थ्यांवर उपचार सुरू आहेत. शाळेतील कर्मचाऱ्यांच्या सतर्कतेमुळे मोठी दुर्घटना टाळता आली. 

रस्त्याने जात त्याने थेट मौलाना आझाद शिक्षण संस्थेचे महिला महाविद्यालय, मॉडेल हायस्कूलचा कॅम्पस असलेल्या नवखंडा पॅलेसमध्ये घुसखोरी केली. या कॅम्पसमध्ये जाण्यासाठी सुरुवातीलाच एक मोठा दरवाजा आहे. मात्र, रेडा जोरात आल्यामुळे तो दरवाजा लावणेही शक्य झाले नाही. दोन ठिकाणी सुरक्षारक्षकांनी त्यास अडविण्याचा प्रयत्न केला, मात्र तो अयशस्वी झाला. 

मॉडेल हायस्कूलचे विद्यार्थी मधली सुटी झाल्यामुळे डबा खाण्यासाठी शाळेच्या प्रांगणात थांबले होते. त्याचवेळी समोरून सुसाट धावत येणारा रेडा पाहून विद्यार्थ्यांसह सर्वांचाच गोंधळ उडाला. तेवढ्यात रेड्याने समोर येणाऱ्या विद्यार्थ्यांना उचलून बाजूला फेकले. हे सर्व अवघ्या १ मिनिट १० सेकंदांत घडले. त्यात १४ विद्यार्थी जखमी झाले. शिक्षक व दहावीच्या विद्यार्थ्यांनी काही वेळातच रेड्याला शाळेच्या परिसरातून हाकलले त्यामुळे मोठा अनार्थ टळला.