SSC MTS आणि हवालदार भरती परीक्षेचा निकाल जाहीर

एज्युवार्ता न्यूज नेटवर्क 

स्टाफ सिलेक्शन कमिशनच्या (Staff Selection Commission) SSC MTS आणि हवालदार भरती परीक्षेच्या निकालाची वाट पाहणाऱ्या उमेदवारांसाठी महत्त्वाची माहिती आहे. या परीक्षांचे निकाल जाहीर झाले असून (ssc mts and havaldar result declared) उमेदवार https://ssc.gov.in/ या अधिकृत वेबसाइटवर निकाल पाहू शकतात.

SSC ने  ३० सप्टेंबर ते १४ नोव्हेंबर २०२४ दरम्यान एमटीएस नॉन-टेक्निकल आणि हवालदार भरती २०२४ ची परीक्षा घेतली होती. देशभरातील विविध परीक्षा केंद्रांवर वेगवेगळ्या शिफ्टमध्ये सीबीटी मोडमध्ये ही परीक्षा घेण्यात आली होती. 

एसएससी एमटीएस निकाल तपासण्यासाठी सर्वप्रथम उमेदवारांना अधिकृत वेबसाइट ssc.gov.in ला भेट द्यावी लागेल. आता, होमपेजवरील मल्टी-टास्किंग स्टाफ (MTS) आणि हवालदार भरती निकाल २०२४ च्या लिंकवर क्लिक करा. आता एक नवीन पेज उघडेल. पुढे, तुमचे लॉगिन क्रेडेन्शियल्स जसे की, युजरनेम आयडी आणि पासवर्ड एंटर करा. सबमिट वर क्लिक करा आणि तुमचा एसएससी एमटीएस निकाल २०२४ स्क्रीनवर दिसेल. निकाल डाउनलोड करा आणि भविष्यातील संदर्भासाठी प्रिंटआउट घ्या.

एसएससी एमटीएस परीक्षेद्वारे एकूण ९ हजार ५८३ पदांची भरती केली जाईल. यामध्ये मल्टी-टास्किंग स्टाफसाठी ६ हजार १४४ पदे आणि हवालदारासाठी ३ हजार ४३९ पदे समाविष्ट आहेत. या परीक्षेच्या पहिल्या फेरीत 27 हजार 11 उमेदवार यशस्वी झाले आहेत. सप्टेंबर ते नोव्हेंबर दरम्यान परीक्षा झाल्यानंतर, स्टाफ सिलेक्शन कमिशनने २ डिसेंबर २०२४ रोजी एसएससी एमटीएसची उत्तर की उपलब्ध करून दिली होती.