रेल्वेमध्ये ४००० हून अधिक पदांसाठी रिक्त जागांसाठी भरती सुरू 

या भरती प्रक्रियेअंतर्गत, विविध ट्रेडमध्ये शिकाऊ उमेदवारांची पदे भरली जाणार आहे. यामध्ये एअर कंडिशनिंग, सुतार, डिझेल मेकॅनिकल, इलेक्ट्रॉनिक मेकॅनिक, इलेक्ट्रिशियन, फिटर, पेंटर, वेल्डर इत्यादींसह इतर व्यवसायांचा समावेश आहे. या मोहिमेद्वारे एकूण ४२३२ पदे भरली जाणार आहेत. 

रेल्वेमध्ये ४००० हून अधिक पदांसाठी रिक्त जागांसाठी भरती सुरू 

एज्युवार्ता न्यूज नेटवर्क 

रेल्वेमध्ये काम करू इच्छिणाऱ्या तरुणांसाठी एक उत्तम संधी आली आहे. मध्य रेल्वेने ४००० अप्रेंटिस पदांसाठी भरतीसाठी अर्ज मागवले आहेत. (Central Railway has invited applications for recruitment for 4000 apprentice posts) इच्छुक आणि पात्र उमेदवार २७ जानेवारी २०२५ पर्यंत www.scr.indianrailways.gov.in या अधिकृत वेबसाइटला भेट देऊन अर्ज करू शकतात. 

या भरती प्रक्रियेअंतर्गत, विविध ट्रेडमध्ये शिकाऊ उमेदवारांची पदे भरली जाणार आहे. यामध्ये एअर कंडिशनिंग, सुतार, डिझेल मेकॅनिकल, इलेक्ट्रॉनिक मेकॅनिक, इलेक्ट्रिशियन, फिटर, पेंटर, वेल्डर इत्यादींसह इतर व्यवसायांचा समावेश आहे. या मोहिमेद्वारे एकूण ४२३२ पदे भरली जाणार आहेत. 

उमेदवारांनी मान्यताप्राप्त मंडळातून दहावी किमान ५०% गुणांसह उत्तीर्ण केलेली असावी. संबंधित विषयातील आयटीआय प्रमाणपत्र अनिवार्य आहे. अर्ज करण्यासाठी उमेदवाराचे वय १५ ते २४ वर्षांच्या दरम्यान असावे. राखीव प्रवर्गातील व्यक्तींना नियमांनुसार वयात सूट दिली जाईल.  सामान्य/ओबीसी/ईडब्ल्यूएस श्रेणीतील उमेदवारांना १०० रुपये शुल्क भरावे लागेल. तर एससी/एसटी/पीएच आणि महिला उमेदवारांसाठी कोणतेही शुल्क नसेल. 
अर्ज करणाऱ्या उमेदवारांनी आधार कार्ड, दहावीची गुणपत्रिका, आयटीआय डिप्लोमा, पासपोर्ट आकाराचा फोटो सोबत ठेवणे आवश्यक आहे. अधिक माहितीसाठी उमेदवार अधिकृत वेबसाइटला भेट देऊ शकतात.
 
विशेष म्हणजे या भरतीसाठी कोणतीही लेखी परीक्षा होणार नाही. निवड गुणवत्ता यादीवर आधारित असेल, जी दहावी आणि आयटीआयच्या गुणांवर आधारित असेल. यानंतर, कागदपत्रांची पडताळणी आणि वैद्यकीय चाचणी केली जाईल.