युध्दजन्य परिस्थितीमुळे ICAI CA परीक्षा स्थगित करण्याचा निर्णय
आयसीएआयने म्हटले आहे की, "देशातील सध्याची तणावपूर्ण परिस्थिती आणि सुरक्षेच्या चिंता लक्षात घेता, ९ मे ते १४ मे २०२५ दरम्यान होणारे सीए फायनल, इंटरमीडिएट आणि पोस्ट-क्वालिफिकेशन कोर्स (इंटरनॅशनल टॅक्सेशन असेसमेंट टेस्ट - आयएनटीटी एटी) चे उर्वरित पेपर पुढे ढकलण्यात आले आहेत."
eduvarta@gmail.com 
एज्युवार्ता न्यूज नेटवर्क
देशातील तणावपूर्ण आणि असुरक्षित परिस्थिती लक्षात घेता, इन्स्टिट्यूट ऑफ चार्टर्ड अकाउंटंट्स ऑफ इंडिया (Institute of Chartered Accountants of India) ICAI ने मे २०२५ मध्ये होणाऱ्या CA परीक्षेचे उर्वरित पेपर पुढे ढकलण्याचा निर्णय घेतला आहे. (Decision to postpone remaining papers of CA exam) या चार्टर्ड अकाउंटंट परीक्षेसाठी नोंदणी केलेले उमेदवार ICAI वेबसाइट icai.org ला भेट देऊन अधिकृत सूचना तपासू शकतात.
आयसीएआयने म्हटले आहे की, "देशातील सध्याची तणावपूर्ण परिस्थिती आणि सुरक्षेच्या चिंता लक्षात घेता, ९ मे ते १४ मे २०२५ दरम्यान होणारे सीए फायनल, इंटरमीडिएट आणि पोस्ट-क्वालिफिकेशन कोर्स (इंटरनॅशनल टॅक्सेशन असेसमेंट टेस्ट - आयएनटीटी एटी) चे उर्वरित पेपर पुढे ढकलण्यात आले आहेत."
"उमेदवारांना अद्यतनांसाठी नियमितपणे संस्थेची वेबसाइट www.icai.org तपासण्याचा सल्ला देण्यात येत आहे," असे आवाहन संयुक्त परीक्षा सचिव सीए आनंद कुमार चतुर्वेदी यांनी केले आहे.
मागील वेळापत्रकानुसार, ICAI CA मे २०२५ च्या परीक्षेच्या तारखा २ ते १४ मे दरम्यान नियोजित होत्या. CA इंटरमिजिएट परीक्षेत, ग्रुप १ चे पेपर ३, ५ आणि ७ मे रोजी होणार होते, तर ग्रुप २ च्या परीक्षा ९, ११ आणि १४ मे रोजी होणार होत्या. त्याचप्रमाणे, CA अंतिम परीक्षेत, ग्रुप १ चे पेपर २, ४ आणि ६ मे रोजी आणि ग्रुप २ चे पेपर ८, १० आणि १३ मे २०२५ रोजी होणार होते.
इंटरमिजिएट अभ्यासक्रमाच्या परीक्षा दररोज दुपारी २ ते ५ वाजेपर्यंत होणार होत्या. अंतिम अभ्यासक्रमाच्या परीक्षेत, पेपर १ ते ५ साठी दुपारी २ ते सायंकाळी ५ वाजेपर्यंत वेळ होती, तर पेपर ६ च्या परीक्षेची वेळ दुपारी २ ते सायंकाळी ६ अशी ठेवण्यात आली होती. आता परिस्थिती सामान्य झाल्यानंतर या सर्व पेपर्सच्या नवीन तारखा जाहीर केल्या जातील, असे इंस्टीट्यूट कडून सांगण्यात आले आहे.
