'या' दिवशी जाहीर होईल ICAI CA इंटर फाउंडेशनचा निकाल
ICAI CA निकाल डाउनलोड करण्यासाठी विद्यार्थ्यांना त्यांचा नोंदणी क्रमांक आणि रोल नंबर आवश्यक असेल. निकालासोबतच संस्था टॉपर्सची नावे आणि उत्तीर्णतेची टक्केवारी देखील जाहीर करेल.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ चार्टर्ड अकाउंटंट्स ऑफ इंडिया (Institute of Chartered Accountants of India) ICAI ने CA इंटर, फाउंडेशन जानेवारी २०२५ चा निकाल जाहीर करण्याची तारीख जाहीर केली आहे. (The date for declaring the results of CA Inter, Foundation January 2025 has been announced) संस्था जानेवारी सत्रासाठी सीए इंटर, फाउंडेशन निकाल ४ मार्च रोजी जाहीर करू शकते. घोषणेनंतर उमेदवार अधिकृत वेबसाइट icai.nic.in ला भेट देऊन निकाल तपासू शकतात.
ICAI ने एका अधिकृत सूचनेमध्ये म्हटले आहे की, "जानेवारी २०२५ मध्ये झालेल्या चार्टर्ड अकाउंटंट्स इंटरमीडिएट आणि फाउंडेशन परीक्षांचे निकाल मंगळवार, ४ मार्च २०२५ रोजी जाहीर होण्याची शक्यता आहे आणि उमेदवार icai.nic.in या वेबसाइटवर ते तपासू शकतात."
ICAI CA निकाल डाउनलोड करण्यासाठी विद्यार्थ्यांना त्यांचा नोंदणी क्रमांक आणि रोल नंबर आवश्यक असेल. निकालासोबतच संस्था टॉपर्सची नावे आणि उत्तीर्णतेची टक्केवारी देखील जाहीर करेल.
आयसीएआयने सीए फाउंडेशन जानेवारी २०२५ च्या परीक्षा १२, १४, १६ आणि १८ जानेवारी रोजी आणि सीए इंटर जानेवारी २०२५ च्या ग्रुप १ च्या परीक्षा ११ ते २१ जानेवारी दरम्यान घेतल्या होत्या. गट १ च्या परीक्षा ११, १३ आणि १५ जानेवारी रोजी घेण्यात आल्या आणि गट २ च्या परीक्षा १७, १९ आणि २१ जानेवारी रोजी घेण्यात आल्या.
आयसीएआय सीए उत्तीर्ण होण्याच्या निकषांनुसार, उमेदवारांना उत्तीर्ण घोषित करण्यासाठी प्रत्येक पेपरमध्ये किमान ४०% गुण आणि फाउंडेशन परीक्षेत एकूण ५५% आणि इंटरमिजिएट परीक्षेत एकूण ५०% गुण मिळवणे आवश्यक आहे.
