नोकरीची सुवर्णसंधी, पंजाब आणि सिंध बँकेत १००० पदांची भरती

एज्युवार्ता न्यूज नेटवर्क

बँकेत नोकरी करू इच्छिणाऱ्या तरुणांसाठी महत्त्वाची अपडेट समोर आली आहे. पंजाब अँड सिंध बँकेत (Punjab & Sind Bank) लोकल बँक ऑफिसर (Local Bank Officer Post) या पदासाठी भरती प्रक्रिया (Recruitment Announced) सुरू करण्यात आली आहे. या भरती मोहिमेत अंतर्गत १००० पदे भरली जाणार (1,000 posts will be filled) आहेत. त्यामुळे पदवीधारकांना सरकारी नोकरी मिळवण्याची ही सुर्वणसंधी चालून आली आहे. यासाठी इच्छुक आणि पात्र उमेदवार बँकेचे अधिकृत संकेतस्थळ punjabandsind.bank.in वर जाऊन ऑनलाईन पद्धतीने अर्ज करू शकतात. अर्ज करण्याची अंतिम मुदत २० एप्रिल २०२६ पर्यंत असणार आहे. 

पंजाब अँड सिंध बँकेतील या नोकरीसाठी इच्छुक उमेदवारांनी मान्यताप्राप्त विद्यापीठातून ग्रॅज्युएशन केलेले असावे. याचसोबत कोणत्याही बँकेत कामाचा किमान १८ महिन्यांचा अनुभव असावा. या नोकरीसाठी २० ते ३० वयोगटातील उमेदवारांनी अर्ज करू शकतात. राखीव प्रवर्गातील उमेदवारांना प्रचलित नियमांनुसार उच्च वयोमर्यादेत सवलत दिली जाईल. ज्युनियर मॅनेजमेंट ग्रेड स्केल- । ऑफिसर पदासाठी ही भरती केली जाणार आहे. 

अर्ज सादर करण्यासाठी, उमेदवारांनी आवश्यक शुल्क ऑनलाइन भरणे आवश्यक आहे. सर्वसाधारण, ओबीसी आणि ईडब्ल्यूएस उमेदवारांसाठी शुल्क ८५० रुपये शुल्क आकारण्यात आला आहे. तर एससी, एसटी आणि दिव्यांग उमेदवारांसाठी १०० रुपये शुल्क आकारण्यात आला आहे. निवड प्रक्रिया सर्वसमावेशक असून त्यात अनेक टप्प्यांचा समावेश आहे. लेखी परीक्षा, छाननी, वैयक्तिक मुलाखत, स्थानिक भाषेतील प्राविण्य चाचणी, अंतिम गुणवत्ता यादीची तयारी आणि कागदपत्रांची पडताळणी.