शाळा बंद आंदोलनाला मध्यवर्ती शिक्षक संघटनेचा पाठिंबा नाही

एज्युवार्ता न्यूज नेटवर्क 

सर्वोच्च न्यायालयाने घेतलेल्या निर्णयामुळे राज्यातील सर्व शिक्षकांना टीईटी परीक्षा उत्तीर्ण होणे बंधनकारक (mandatory to pass TET exam))झाले आहे. तसेच जुनी पेन्शन योजना लागू करावी, शिक्षकेतर कर्मचाऱ्यांची भरती करावी, आदी प्रलंबित प्रश्नांसाठी विविध शिक्षक व शिक्षकेतर संघटनांनी येत्या ५ डिसेंबर रोजी शाळा बंद आंदोलनाचा (School closure movement)पवित्र घेतला आहे. मात्र, महाराष्ट्र राज्य प्राथमिक शिक्षक मध्यवर्ती संघटनेचा (Maharashtra State Primary Teachers Central Association)या आंदोलनास पाठिंबा नसल्याचे संघटनेचे अध्यक्ष केशवराव जाधव (President Keshavrao Jadhav)यांनी पत्रकाद्वारे जाहीर केले आहे.

मुख्याध्यापक महासंघ, शिक्षकेतर कर्मचारी संघटना यासह विविध संघटनांनी येत्या 5 डिसेंबर रोजी शाळा बंद आंदोलन करण्याचा निर्णय घेतला आहे.याबाबत शिक्षक शिक्षकेतर समन्वय समितीच्या माध्यमातून सोमवारी पत्रकार परिषद घेऊन आंदोलनाबाबत माहिती देण्यात आली. मात्र, जिल्हास्तरावर काहीजण सर्व शिक्षक संघटना या आंदोलनात सहभागी आहेत, असा आभास निर्माण करण्याचा प्रयत्न करतील. परंतु, हे वास्तवाशी विसंगत आहे. मध्यवर्ती शिक्षक संघटनेशी संलग्न असलेल्या कोणत्याही घटक संघटनेने या आंदोलनात सहभागी होऊ नये, अशी स्पष्ट भूमिका घेण्यात आली आहे. आंदोलनासंदर्भात गैरसमज होऊ नये. तसेच विद्यार्थ्यांचे शैक्षणिक हे अबाधित राहावे, यासाठी परिपत्रक प्रसिद्ध करण्यात आले असल्याचे संघटनेचे अध्यक्ष केशवराव जाधव तसेच राज्य सरचिटणीस राजेश सुर्वे यांनी कळवले आहे.

--------------------------------------

टीईटी अनिवार्यता रद्द करावी आणि संच मान्यतेच्या धोरणात बदल करावा, या दोन प्रमुख मागण्यांसाठी 9 नोव्हेंबरला राज्यभर मुक मोर्चा काढला होता. तसेच 24 नोव्हेंबरला दिल्ली येथे जंतर मंतरला आंदोलन केले होते. शाळा बंद ठेऊन विद्यार्थ्यांना वेठीस धरणे योग्य नाही. विद्यार्थ्यांचे शैक्षणिक हित महत्त्वाचे आहे. त्यामुळे येत्या 5 डिसेंबर रोजीच्या आंदोलनाला महाराष्ट्र राज्य प्राथमिक शिक्षक मध्यवर्ती संघटनेचा पाठिंबा नाही. मात्र, टीईटी व इतर प्रलंबित मागण्यासाठी येत्या हिवाळी अधिवेशना दरम्यान धरणे आंदोलन केले जाणार आहे. 

- केशवराव जाधव, अध्यक्ष, महाराष्ट्र राज्य प्राथमिक शिक्षक मध्यवर्ती संघटना