प्रश्नपत्रिका चोरी प्रकरण! विद्यार्थ्यांने दिला घरी बसून दहावीचा पेपर, पालक प्रतिष्ठित राजकीय नेता
अमरावती जिल्ह्यातील अंजनगाव सुर्जी येथील दहावीच्या शालांत परीक्षेतील पेपरफूट आणि चोरीप्रकरणी पोलिसांनी तपासाला वेग दिला असून दोन अल्पवयीन विद्यार्थ्यांसह एका पालकाला ताब्यात घेऊन चौकशी सुरू केली आहे.
eduvarta@gmail.com 
एज्युवार्ता न्यूज नेटवर्क
अमरावती जिल्ह्यातील अंजनगाव सुर्जी (Anjangaon Surji) येथील दहावीच्या शालांत परीक्षेतील (10th Class final exams) पेपरफूट आणि चोरीप्रकरणी (Paperwork and theft cases) पोलिसांनी तपासाला वेग दिला असून दोन अल्पवयीन विद्यार्थ्यांसह एका पालकाला ताब्यात घेऊन चौकशी सुरू केली आहे. विद्यार्थ्यांने घरी बसून पेपर दिला (gave the paper sitting at home) असून फरार पालक राजकारणाशी संबंधित असल्याचे सांगितले जात आहे. या प्रकरणातील मुख्य आरोपी गटशिक्षणाधिकारी सुधीर खोडे (Sudhir Khode) यांना तात्काळ निलंबित करण्यात आले असून शिक्षण विभागात मोठी खळबळ उडाली आहे.
तपासादरम्यान चोरीला गेलेल्या प्रश्नपत्रिका विद्यार्थ्यांपर्यंत पोहोचल्याची धक्कादायक बाब समोर आली आहे. संबंधित विद्यार्थ्यांनी परीक्षा केंद्राऐवजी घरी बसून पेपर लिहिल्याचेही पोलिसांच्या तपासात निष्पन्न झाले आहे. दरम्यान, विस्तार अधिकारी सुशील अंभ्यकर आणि एका पालकाचा पोलिसांकडून शोध सुरू असून ते अद्याप फरार असल्याची माहिती मिळाली आहे.
या प्रकरणातील एका विद्यार्थ्याचे पालक प्रतिष्ठित राजकीय व्यक्ती असल्याची माहिती समोर आल्याने या प्रकरणाला राजकीय वळण लागले आहे. प्रश्नपत्रिका विद्यार्थ्यांपर्यंत कशी पोहोचली आणि त्यामागे कोणाचे आर्थिक हितसंबंध आहेत, याचा सखोल तपास पोलीस करत आहेत.
