केंद्रीय विद्यालयांमध्ये ऑफलाइन प्रवेश प्रक्रिया सुरू; विद्यार्थ्यांना लागणार ‘ही’ कागदपत्रे

एज्युवार्ता न्यूज नेटवर्क

शैक्षणिक वर्ष २०२५-२६ साठी केंद्रीय विद्यालयांमध्ये (KV) प्रवेश प्रक्रिया सध्या सुरू आहे. ऑनलाइन नोंदणीनंतर आता ऑफलाइन प्रवेश (Offline admission process) प्रक्रिया सुरू झाली आहे. विद्यार्थी बालवाटिका २ तसेच इयत्ता २री, ३री ,४थी,५वी, ६वी, ७वी, ८वी, ९वी, १०वी आणि १२वी साठी अर्ज करू शकतात. इयत्ता अकरावीचे प्रवेश नंतर सुरू होणार आहेत.

बालवाटिका २ आणि इयत्ता २ ते १२ (इयत्ता ११ वगळून) साठीच्या प्रमुख तारखा

• केव्ही ऑफलाइन प्रवेश अर्ज सादर करण्याची तारीख २ एप्रिल ते ११ एप्रिल असेल.
• पहिली तात्पुरती प्रवेश यादी १७ एप्रिल प्रसिद्ध होईल.
• प्रवेश विंडो (पहिल्या यादीवर आधारित) १८ एप्रिल ते २१ एप्रिल दरम्यान होईल.
• सर्व वर्गांमध्ये प्रवेश घेण्याची अंतिम तारीख (इयत्ता ११ वगळून) ३० जून असणार आहे.
• जागा रिक्त राहिल्यास अंतिम प्रवेश तारीख ३१ जुलै असेल.

प्रवेश प्रक्रियेदरम्यान उमेदवारांना खालीलप्रमाणे कागदपत्रे सादर करणे आवश्यक असणार आहे.

मागील वर्गाचे रिपोर्ट कार्ड/मार्कशीट,जन्म प्रमाणपत्र, पत्त्याचा पुरावा,आधार कार्ड,शाळा हस्तांतरण प्रमाणपत्र (टीसी), उत्पन्न प्रमाणपत्र (लागू असल्यास), ईडब्ल्यूएस प्रमाणपत्र (लागू असल्यास), अपार  आयडी, पालकांचे नोकरी हस्तांतरण प्रमाणपत्र (लागू असल्यास) Parent's job transfer certificate (if applicable), पालकांचे अद्यतनित सेवा प्रमाणपत्र (लागू असल्यास) Parent's updated service certificate (if applicable)

दरम्यान, "सर्व नोंदणीकृत उमेदवारांच्या याद्या, पात्र उमेदवारांच्या याद्या, अंतिम निवड याद्या (श्रेणीनुसार) आणि प्रतीक्षा याद्या संबंधित केंद्रीय विद्यालयाच्या सूचना फलकावर (Notice board ) प्रदर्शित केल्या पाहिजेत. याव्यतिरिक्त, शाळांनी ही माहिती त्यांच्या अधिकृत वेबसाइट, फेसबुक आणि एक्स (पूर्वी ट्विटर) सारख्या सोशल मीडिया हँडलवर प्रकाशित करावी." असे केंद्रीय विद्यालय संघटनेच्या वतीने सांगण्यात आले आहे.